Hekimen euskal hedabideen elkarteko ordezkariak asteazkenean bildu dira Eusko Jaurlaritzako Hizkuntz Politikarako Sailburuordetzarekin. "Diru laguntza politika egoki bat" eskatu diote, besteren artean.
Herri ekimeneko hedabide euskaldunak biltzen dituen Hekimen elkarteko kideek hiru ideia nagusi helarazi dizkiete:
Batetik, Hekimenen biltzen diren hedabideen ustez, hauen garapenerako "diru kopuru handiagoak" behar dira erakundeen aldetik. Komunikabideek "egoera larria" bizi dutela eta sektorearentzat aldaketa garaiak direla adieraziko diete. Azken urteetan, aurrekontu orokorrekiko pisu espezifikoa galdu duela hedabideen deialdiak.
Bestetik, laguntzak banatzeko irizpideetan Jaurlaritzak egindako aldaketak ez direla sektorearekin adostu adieraziko diote, eta irismena saritzea ongi ikusten duten arren, beren ustez "irismenak helburua dira, ez abiapuntua". Herri hedabide euskaldunen iritziz, "laguntzak bakarrik edo nagusiki irismenaren arabera erabakitzeak arriskuan jar dezake gaur egun hedabideek duten sare gutxienekoa".
Azkenik, "hausnarketa estrategikoa" beharrezko ikusten dute. "Goragotik begiratzea eta adostea herri honek euskarazko zer hedabide-sare behar duen gutxien-gutxienez". Diru laguntza-politika egoki batek egitura hori sendotzen lagundu behar luke medio hauen iritziz.
Hizkuntz Politikarako sailburuorde Patxi Baztarrika eta Euskara Sustatzeko zuzendari Jokin Azkue izan dira Eusko Jaurlaritzaren izenenean. Hedabideen ordezkaritzan Hekimeneko zuzendari Alberto Barandiaran, Berria Taldeko kontseilari ordezkari Iban Arregi eta Hekimeneko lehendakari Iban Arantzabal.
2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]
Euskalgintzaren Kontseiluak "atsekabez" hartu du berria, baina atzerapenaren ostean onartuko duten esperantza du. Bestalde, gaurtik aurrera hizkuntza horiek erabili ahal izango dira Espainiako Kongresuan. Kontseiluak kezkaz hartu du euskal alderdietako politikariek... [+]
Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.
Ostegunean jakin genuen: Espainiako Gobernuak eskatu du galiziera, euskara eta katalana hizkuntza ofizialak izan daitezela Europako erakundeetan. Zergatik? Kataluniako alderdi politikoek behartu dute horretara, negoziazioetan.
Atzerapausoa. Horrela baloratzen du Euskalgintzaren Kontseiluak, hizkuntza auziari eta euskararen sustapenari dagokionez, Nafarroako Gobernu berria eratuko duten alderdi politikoek sinatu duten 2023-2027 legegintzaldirako akordio programatikoa.