“Irungo Udalera joango gara euskaldunekiko duen jarreraz hitz egitera, ez ekitaldi bat erdaraz egin izanaz”
Irungo Udalak barkamena eskatu eta asteazken honetarako bilerara deitu ditu hiriko elkarte euskaltzaleak, baina beste norabide bat hartu du aferak eta gaia ez du berehalakoan itxiko. Gabonetako ekitaldian euskara baztertzeagatik udala salatu duten elkarteak zeuden deituta bilerara, eta horietako askok udalari eskatu dio bilera atzeratzeko, “urtetan luzatutako egoera” baten isla baino ez delako ekitaldian gertaturikoa, eta gaiari sakon eta patxadaz heldu nahi diotelako.
35 elkartek Gabonetako ekitaldi elebakarra salatu ostean, astelehenean mezua bidali zien udalak, asteazkenerako bilera batera deituz, baina tempoak aldatu eta bilera atzeratzeko eskatu du elkarte ugarik: “Bide luzea dugu egiteko, eta horregatik, urtetan luzatutako egoera zuzentzeko premia ikusten dugun arren, ez dugu presaz egin nahi, ongi baizik”. Denbora behar da hitz egin beharrekoak prestatzeko eta bilerara denek joan ahal izango dutela ziurtatzeko, adierazi dio ARGIAri bilerara deitua izan den Txingudi ikastetxeko guraso elkarteko kide batek: “Gu ez goaz piztuera ekitaldiaz hitz egitera, hori da haserrea eztandarazi duena, baina egoera orokorrago baten isla da, eta horretaz nahi dugu hitz egin, udal honek euskaldunekiko duen jarreraz”.
Guraso honen hitzetan, “txinparta txikia nahikoa izan da mota honetako sugarra pizteko: askok barruan daramagun haserrearen adierazlea izan da. Udalak jabetu behar du Irunen badela euskararen alde egiten duen komunitate sendoa, udalak duen dinamikarekin haserre dagoena, eta ohartu behar du kontuan hartu behar gaituela, ezin diela euskarari eta euskaldunei ezikusiarena egin”.
"Udalak jabetu behar du Irunen badela euskararen alde egiten duen komunitate sendoa, udalak duen dinamikarekin haserre dagoena, eta ohartu behar du kontuan hartu behar gaituela"
Adierazpena ere kaleratu du udalak: barkamena eskatu du "euskararen presentzia eskasarengatik argiztapen ekitaldian" eta "konpromisoa hartzen du lanean jarraitzeko berriro gertatu ez dadin". Oharrak itxurakeriatik zenbat ote duen galdetu dio bere buruari elkarrizketatu dugun gurasoak. “Ekitaldi horretan ohiko moduan jokatu du udalak euskararekiko, baina oraingoan ahotsa altxatu dugunez, adierazpena egin du eta hori da errazena. Hitz horiek benetako balioa izan dezaten, aldaketa sakonak behar ditugu Irunen”.
Olatuak batu ditu Irungo elkarte euskaltzaleak
Hiri handia da Irun, eta aipatu txinpartak “aukera eman du euskararen biziberritzearekin kezkatuta dauden elkarte eta taldeak elkarrekin bidea egiten hasteko”. Aktibatu, saretu eta indarrak batzeko balio behar luke honek guztiak, dio.
Udalari dagokionean berriz, zer eragin behar luke suspertu den mugimendu honek? “Lehenik, jarrera aldaketa bat lortu behar da, eta horren ostean hitz egin ahalko dugu neurriez eta konpromisoez”, iritzi dio gurasoak.
Nafarroako Administrazio Publikoetako lanpostuak arautzen dituen 97/2024 Foru Dekretuaren bi artikulu utzi ditu bertan behera Nafarroako Auzitegi Gorenak. Argudiatu denez, euskararen balorazioari muga jartzen zioten, eta ingelesaren, frantsesaren eta alemanaren balorazioei ez.
Madril, 1925eko urriaren 13a. José Antonio Primo de Rivera diktadoreak “propaganda antipatriotiko eta antisozialari” buruzko errege dekretua sinatu zuen. 2. ordenan, dekretuak zera zioen: “Lehen hezkuntzako ikuskariek (...) eskoletako testuliburuak... [+]
Konplitu da Txirritaren esana: ‘Nire aipamenak izango dira / beste laurogei urtean’. 1936an hila, txitean-pitean dabiltza oraindik haren bertsoak. Horixe bera da Rekarteren kasua. 50 urte baino gehiago dira Arabako lautadan Aguraingo eta Araiako ikastolak sortu... [+]
Bilbao Arena –Miribillako estadioa– leporaino bete nahi du Euskalgintzaren Kontseiluak abenduaren 27an. Iazko Euskararen Nazioarteko Egunean (abenduaren 3an) euskararen larrialdi egoeratik indarraldirako bideari ekiteko beharra aldarrikatu bazuen, indarraldia... [+]
Loraldiak eta EHU Kultura Bizkaiak elkarlanean aurkezten dute Sormenola 2025-26 programaren edizio berria. Loraldia Gaztea ardatz estrategikoaren barruan kokatzen den ekimen hau euskal sorkuntzaren harrobi gisa finkatu da, eta aurten apustua areagotzen du: interesa izan... [+]
Iraila, errutinara buelta, askorentzat ikasturte berria eta horri dagozkion zirrarak: ikasturtea norekin konpartitu, nor izan alboan, zer ikasi, nola eta nora joan… Batzuentzat, esperientzia berriak bizitzeko lehen aldia.
Aldiz, beste batzuentzat esperientzia berririk... [+]
Ertzetatik aztertu dute hizkuntza UEUk antolatutako Euskararen periferiak jardunaldietan. Euskarak dituen testuinguru oztopatzaileez mintzatu dira Beñat Garaio HABEko ikerlaria, Iker Villa abeslaria eta aktorea, Diego Pallés EHUko ikerlaria eta Maialen Gago Guka... [+]
"Euskaraz bizi nahi dugu" mezua tindatu zuten larunbatean, eta 48 oren inguru eman dituzte atxiloaldian ekintzaileek. Gorka Torre kontrol judizialpean askatu du prokuradoreak, epaiketaren zain; bertze hirurak komisariara deituak izanen dira.
'Hiri Buruzagia loratzen. Loratu ala hil' lelopean sortu da Irauli proiektu berria, euskarazko kalitatezko jarduerak eta zerbitzuak eskaini nahi dituena; hizkuntzaren indarberritzean oinarrituta.
Iragan berria den Donostiako Zinemaldian euskarazko hiru lan eskaini dira prestigiozko Sail Ofizialean: Maspalomas, Karmele eta Zeru ahoak.
Festibala gutxi gorabehera erdira heldu zenean ohartu nintzen laugarren bat ere bazegoela euskal zinea labelarekin: Los domingos. Bilbon... [+]
Buruilaren 27an ebiakoitz huntan Euskal Herrian Euskaraz-ek Baionan salatu du Euskara bigarren mailako hizkuntza bezala kontsideratua dela. "Euskaraz bizi nahi dugu" mezua margotu dute departamenduaren egoitzaren gainean.
'Itun Soziopolitiko berrirako eskaintza' dokumentua aurkeztu du Euskalgintzaren Kontseiluak, Batuz Aldatu dinamikaren barruan hainbat eragilerekin egindako agerpenean. Eragileek atxekimendua egiteko dokumentu sinagarri bezala aurkeztu dute, eta luze eta zabal azaltzen... [+]
Euskara biziberrituko bada, hizkuntza politiketan jauzi bat ematea ezinbestekotzat du Euskalgintzaren Kontseiluak. Jauzi hori emateko proposamen bat aurkeztu du, eta itun soziopolitiko berri baterako deia egin du, irailaren 26an, Batuz Aldatuko Sinatzaileen II. Batzarrean... [+]
Telesforo Monzon laborategiak antolatutako uda eskolak euskararen etorkizunaz gogoeta egiteko plaza beroa ekarri zuen Bergarara. Hasieran, Garikoitz Goikoetxeak eta Olatz Altunak euskararen egungo egoera eta etorkizuneko joerak marraztu zituzten, eta horren gainean aritu ziren... [+]
Orain arte ez dugu aipatu, baina bada 6-12 urte arteko umeen kirol jarduerari –aisialdiari, oro har– lotuta dagoen eta azpimarratzea merezi duen beste osagai bat: hizkuntza erabilera. Zentzu horretan, euskararen arnasgune dira Eskola Kiroleko programak, lekuan lekuko... [+]