Herritarren sinadurak biltzen ari dira, herri ekimena aurkeztu eta Europako Batzordeari eskatzeko proposamena aurkeztu dezala, baldintzarik gabeko oinarrizko errenta unibertsala Europar Batasun osoan ezartzeko. Besteak beste, desoreka ekonomikoari eta pobreziari egin nahi zaio aurre.
Europar Kontseiluak, Parlamentuak eta Batzordeak 2017an adosturiko adierazpena ekarri dute gogora ekimenaren bultzatzaileek: “Babes sozial sistema eraginkor, jasangarri eta orekatuak defendatzeko” konpromisoa hartu zuten, “oinarrizko errenta bermatzea helburu”.
Hala, oinarrizko errenta unibertsala errealitate bihurtzeko bidean, Europako Legegintzako Herri Ekimena aurkeztu nahi dute eta sinadurak biltzen ari dira horretarako. Pertsona guztiek salbuespenik gabe oinarrizko beharrak asetzeko moduko errenta jasotzea da xedea. ESK sindikatuaren arabera, “herritarren benetako autonomia eta askatasuna areagotuko lituzke, lanari, prestakuntzari eta oro har bizi-proiektuei buruzko hautuak egitean”.
Bai, bideragarria da
Sindikatuak gogoratu du bideragarria dela finantzaketaren ikuspegitik, zergen bidez orekatuko litzatekeelako.
Bai trantsizio ekologikoari, bai gizon eta emakumeen arteko berdintasunaren aldeko borrokari mesede egingo liekeela azpimarratu dute, ditugun arazo sozial guztiak konponduko ez lituzkeen arren gizartea eraldatzeko tresna bat gehiago dela nabarmenduz.
“Oinarrizko errenta unibertsalak aukera emango lieke pertsona guztiei, eta bereziki egoera ahulenean daudenei, beren buruarentzat aukeratu ditzaketen bizi-proiektuak gauzatzeko ahalik eta aukera gehien izateko. Pertsona guztien bizitzak erdigunean jartzeko garaia da”, aldarrikatu dute Ezker Sindikalaren Koordinakundetik.
Oraindik ez dago munduan baldintzarik gabeko oinarrizko errenta indarrean jarri duen herrialderik, baina esperientzia pilotu asko egin dira munduko hainbat eskualdetan, eta aurreikusitakoak ere asko dira. Daniel Raventósek eta Julen Bollain irakasleek euren liburuetan... [+]
Bizkaian, Gipuzkoan edo Araban urtebetetik gora bizi bazara eta 18 urtetik gora badituzu, hilero 900 euro jasotzeko eskubidea izango duzu, beste inongo baldintza barik. 450 euro jasoko dute 4 eta 18 urte arteko herritarrek eta 4 urtetik beherakoek 270 euro. Ados egongo zinateke?... [+]
Iazko otsailean ekinda, Baldintzarik Gabeko Oinarrizko Errentaren aldeko herri ekinaldi legegileak 22.075 sinadura lortu zituen proposamena legebiltzarrera eramateko. Ostegun honetan eztabaidatu zuten proposamena legebiltzarrean eta EAJ, PSE, PP eta Vox-en botoekin atzera bota... [+]
Urtarrilaren 4an aurkeztu zituzten Legebiltzarrean Oinarrizko Errenta Baldintzagabearen alde jasotako 22.075 sinadurak, lege-proposamen gisa izapidetu ahal izateko. Maiatzaren 5ean eztabaidatuko dute legebiltzarkideek: "beren esku dute pertsonen bizitza aldatzea, batez ere... [+]
Soziologian doktorea da Sergi Raventós Panyella (Bartzelona, 1968), eta oinarrizko errenta unibertsalak (OEU) osasun mentalean dituen eragin positiboak ikertu zituen doktoretzan. Hamarkadak daramatza Katalunian OEU bultzatzeko lanean, beste hainbat pertsonekin batera, eta... [+]