Europak 'Parot doktrinaren' aurka egiteak, ez lukeela erabakia automatikoki aplikatzera behartuko dio Auzitegi Gorenak
Espainiako Auzitegi Gorenak otsailaren 12an atzera bota zuen German Rubenach presoak 'Parot doktrina' aplikatu ez diezaioten jarritako kasazio-helegitea. Epaia garrantzitsua da, Giza Eskubideen Europako Auzitegiak doktrina baliogabetzeko erabakia hartzen badu, Espainiak men egin beharrik izango ez duela aurreikusi daitekeelako, Carlos Fonseca kazetariak ElDiario.es agerkarian azaldu duenez.
Auzitegi Gorenak gogorarazi duenez, 2012ko uztailaren 10ean Europako Auzitegiak 'Parot doktrinaren' aurka onartutako epaia ez da irmoa, Estatu Abokatutzak aurkako helegitea jarri zuelako. Pasa den astean hasi ziren helegite hori aztertzen Estrasburgon, baina hilabeteak igaroko dira behin betiko epaia jakin aurretik.
Gorenaren hitzetan, 'Parot doktrinaren' aurkako balizko epaia Gorenaren beraren eta Espainiako Konstituzio Auzitegiaren kriterioen aurka joango litzateke, doktrinaren aplikazioa legala baita haientzat. Europako epaia automatikoki aplikatu beharrik ez litzateke egongo: "Barne-antolamenduko epaien inguruan nazioz gaindiko erakundeek hartutako erabakien eraginkortasuna aurreikusi eta arautuko dituen barne-legedirik ez dago oraindik".
Carlos Fonsecak gogorarazi duenez, Jorge Fernandez Diaz Barne ministroak adierazi du "ingeniaritza juridikoa" egingo dutela 'Parot doktrina' baliogabetu ez dadin. "Gatazka mahai gainean dago", dio kazetariak.
Espainiako Barne ministro Fernando Grande Marlaskak, zalantzan jarri du Eusko Jaurlaritzako tortura salaketen gainean egindako txostena. Eta gaineratu du ez dagoela ebazpen judizialik 4.000 edo 5.000 tortura kasuak eman direla esaten duenik.
Etxerat elkarteak "urgentziazko balorazioa" plazaratu du Espainiako Auzitegi Gorenak hartutako erabakiaren ostean. Osorik eskaintzen dizuegu jarraian:
Carmen Gisasola aske geratu da astelehenean, kartzelan 24 urte eman ondoren. 1990. urtean atxilotu zuten Gaskoiniako Landetan (Okzitania) eta azken urteetan Zaballako (Araba) kartzelan zegoen preso. Langraitz bideari helduta, hirugarren graduan zegoen Gisasola.
Jose Ricardo de Prada epaileak “neurriz kanpokotzat” jo ditu ETAko presoei ezartzen zaizkien kondenak. ETAkoak ez diren presoek betetzen dituzten zigorrekin alderatuta, aldea “handiegia” dela adierazi du.
Presoen espetxeratzea urtebete edo bi luzatu ahalko dute neurri berriaren ondorioz. “Parot doktrina” delakoarekin alderatu dute Espainiako Auzitegi Nazionaleko bi magistratuk.