Etxerik gabeko pertsona bat hilda aurkitu dute Iruñean
Iruñeko Arrotxapea auzoko Plazaolako tunelean aurkitu dute astelehenean 44 urteko gizonezkoaren gorpua. Martxoan Jesus eta Maria aterpetxea itxi zuten eta zazpi elkartek salatu egin zuten. Iruñean gutxienez 40 lagunek egiten dute lo kale gorrian urte osoan.
44 urteko gizon baten gorpua aurkitu dute astelehenean Iruñeko Arrotxapea auzoko Plazaolako tunelean. Heriotzaren arrazoia argitzeko dago, baina ez dute indarkeria zantzurik antzeman Euskalerria Irratiak informatu duenez.
Iruñeko udaltzainak eta mediku bat bertaratu ziren lurpeko pasabidera, eta heriotza egiaztatu zuten. Gorpua Nafarroako Auzitegi Medikuntza eta Auzitegi Zientzien Institutura eraman dute autopsia egiteko.
40 lagunek ematen dute gaua kale gorrian urte osoan, Iruñean
Euskalerria Irratiak jakitera eman duenez, Iruñean, 40 lagunek ematen dute gaua kale gorrian urte osoan. Martxoaren Jesus eta Maria aterpetxea itxi izanak 50 lagun bultza zituen kalean bizitzera, erakundearen hotzaren aurkako protokoloaren amaiera izanik.
Mugak Zabalduz Karabana, PIM-MIG, Elkarrekiko Laguntza, SOS Arrazakeria, Lantxotegi Elkartea, Haziak, Paris 365 eta Oxfam Intermon elkarteek apirilean salatu zuten aterpetxearen itxierak hainbat herritarren oinarrizko eskubide urratzen dituela. Iruñeko Udaletxean elkarretaratzea egin zuten.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]