Etxebizitza Kontratu Herritarra bultzatu gura dute Durangoko gazteek

  • Herritarrei deialdia egingo diete, hutsik dituzten etxebizitzak gazteen esku jartzeko, taldea bera bitartekari bihurtuta.


2017ko irailaren 14an - 08:39

Etxebizitza eskubidearen aldeko Zabalduko Ditugu taldeak proposamen berria aurkeztuko du bihar gazteen alokairua sustatzeari begira: Etxebizitza Kontratu Herritarra idatzi eta landu gura dute. "Gazteon egoerara egokitutako prezio eta baldintzak" ezarriko dituzte kontratu horretan. Gero, herritarrei deialdia egingo diete, hutsik dituzten etxebizitzak gazteen esku jartzeko, taldea bera bitartekari bihurtuta. "Uste dugu etxebizitzaren arazoa herritar guztioi dagokigun zerbait dela", esan dute. Aholkularitza juridikoa ere jasoko dutela diote.

Zabalduko Ditugu taldeak mozioa aurkeztu zuen udalean alokairu soziala eskatzeko, eta aho batez onartu zen. Baina, "udal gobernuarekin ez da hitzemandako elkarlanik burutu", diotenez. Instituzioak, Faustegoienako babeseko 17 etxe gazteen alokairu sozialerako erabiliko ditu.

Albiste hau Anbotok argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Etxebizitza eskubidea
Emantzipatu ezin diren gazteen kopuruak gora egiten jarraitzen du Europako herrialde guztietan

Emantzipatu nahi duten baina ezin duten gazteen kopurua gero eta handiagoa da Europar Batasunean. Errealitate hori datutan jarri du Eurofund erakundeak argitaratu berri duen ikerlan batek, eta etxebizitzaren garestitzea da arrazoi nagusietako bat, baina ez bakarra.


"Etxebizitza Turistikoaz eta klase borrokaz" edo nola antolatu jendea kapitalaren aurka, ustez, gatazkarik ez den lekuan

Orain dela egun batzuk Bilboko metropoliko AZET sindikatuak hitzaldi batean parte hartzera gonbidatu gintuen. “Turistifikazioaren aurkako tresnak eta borrokak aztergai” zioen solasaldiak, eta hantxe izan ginen gure ekarpen xumea egiten.


2024-05-24 | Gedar
2.000 sinadura bildu dituzte Pasaian Escalerillaseko bizilagunentzat bizitoki-alternatiba baten alde

Pasaiako Portuak eta Euskal Trenbide Sareak etxetik bota nahi dituzte hamabi familia. Ekainaren 1ean Trintxerpen mobilizatzera deitu du Oarsoaldeko Etxebizitza Sindikatu Sozialistak.


Etxebizitza arazoa eta lan-mundua

Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.

Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]


Eguneraketa berriak daude