Etxebizitza Kontratu Herritarra bultzatu gura dute Durangoko gazteek
Herritarrei deialdia egingo diete, hutsik dituzten etxebizitzak gazteen esku jartzeko, taldea bera bitartekari bihurtuta.
Etxebizitza eskubidearen aldeko Zabalduko Ditugu taldeak proposamen berria aurkeztuko du bihar gazteen alokairua sustatzeari begira: Etxebizitza Kontratu Herritarra idatzi eta landu gura dute. "Gazteon egoerara egokitutako prezio eta baldintzak" ezarriko dituzte kontratu horretan. Gero, herritarrei deialdia egingo diete, hutsik dituzten etxebizitzak gazteen esku jartzeko, taldea bera bitartekari bihurtuta. "Uste dugu etxebizitzaren arazoa herritar guztioi dagokigun zerbait dela", esan dute. Aholkularitza juridikoa ere jasoko dutela diote.
Zabalduko Ditugu taldeak mozioa aurkeztu zuen udalean alokairu soziala eskatzeko, eta aho batez onartu zen. Baina, "udal gobernuarekin ez da hitzemandako elkarlanik burutu", diotenez. Instituzioak, Faustegoienako babeseko 17 etxe gazteen alokairu sozialerako erabiliko ditu.
Albiste hau Anbotok argitaratu du eta CC-by-sa lizentziari esker ekarri dugu ARGIAra
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Ordaintzea bezeroari zegokiola esan zuen otsailean Espainiako Auzitegi Gorenak, baina epai hura baliogabetu berri dute. Hortaz, ondare eskualdaketen gaineko zerga eta ekintza juridikoen eta dokumentatuen gaineko zerga finantza-erakundeen esku geratuko dira aurrerantzean.
Espainiako Auzitegi Konstituzionalak onartu egin ditu Euskal Autonomia Erkidegoko Etxebizitza Legearen artikulu gehienak eta erabakiaren berri ematean, zenbait mediok nabarmendu dute administrazioak orain aukera izango duela hutsik dauden etxebizitzak desjabetzeko. Titular horrek, ordea, ñabardura ugari eskatzen du.
Etxebizitza eta lurraren prezioaren arazoa ez da gaurkoa, baina Airbnb plataformak Ipar Euskal Herria hunkitu duenetik, egoera okertzen ari dela uste du Generations mugimenduak, Benoit Hamon-en alderdiak.
Agindu judiziala iritsi zaio familiari bigarrenez eta behin betikoa da. Etxea utzi beharko dute. Atarrabiako alkateak nabarmendu du saiatu direla laguntzen eta premia handienean zeudenean ere larrialdietarako laguntzak eman dizkietela.
“Kalitatezko” turismo ereduaz hitz egiten da maiz, baina hori neurtzeko gaualdi kopuruak edo sosak edukitzen dira kontuan. Balantzean ez dira beste adierazle batzuk sartzen, turistifikazioaren ondorioz gertatzen direnak. Zein da turismo masiboaren aztarna ekologikoa?
Hego Euskal Herrian ofizialki 5.521 apartamentu turistiko iragartzen dituzte interneteko Airbnb eta antzeko operadoreek. Horietatik 1.302 bost etxebizitza baino gehiagoren jabe diren norbanako edo enpresen esku daude.
Iraila-ekaina bitartean pisuen alokairua 1.000 euro ingurukoa da Donostian. Antigua eta Amara dira eskaera gehien dituzten auzoak: lehena unibertsitateetatik gertu dagoelako eta bigarrena alokairuaren prezioagatik.
Azken urteotan alokairuzko etxebizitzek izan duten bilakaerari buruzko txostena aurkeztu du ELAk. Sindikatuak emandako datuen arabera, egoera larriagotu egin da; izan ere, alokairuek gora egin dute etengabe azken urteotan. Ondorioz, 113.600 pertsonek ezin izan dute independizatu etxebizitza duin baten faltagatik.
Nafarroako Gobernuak eta Iruñeko Udalak hitzarmen bat sinatu dute etxebizitzen hutsen inguruan, bankuek edo higiezinen enpresek dauzkaten pisu hutsei zerga berriak jartzeko.
Cornella de Llobregaten (Katalunia) gertatu da. 45 urteko gizonak bere burua jaurti du hamargarren solairutik behera, Mossoak etxegabetze ordenarekin etxeko atean zirela.
