"Espetxeen aurkako eta presoen aldeko mezua gorputzak moldatzeko kulturarekin uztartzen dugu"
Maiatzaren 17, 18 eta 19an Tattoo Circus Euskal Herria Topaketen laugarren edizioa ospatuko da Bilboko Karmelan. Egitarau anitz eta oparo baten inguruan ehunka pertsona erakartzen ditu ekimen herritarrak, edizioz edizio gehiago. Hamarnaka lagun daude antolakuntzan haien aletxoa jartzen, eta Oihana Alberdi Elorriaga haietako bat da. Berarekin mintzatu da ARGIA.
Noiz eta zertarako sortu zen Tattoo Circus?
Tattoo Circus espetxeen aurka eta presoen alde egiteko erreminta da, topaketa forma hartzen duena. Hori guztia gorputzaren moldakuntzak oinarri duen kulturarekin uztartzen da, besteak beste: tatuaje, piercing, zulatzeak edo eskarifikazioa.
Lehen edizioa Erroman egin zen 2007an. Geroztik Europako hainbat hiritan antolatu da, lekuan lekuko izaera propioak garatuz. Euskal Herriari dagokionez, 2012an Eibarreko gaztetxean izan ginen lehenik, eta Bergarakoan bi urte geroago. 2017an Donostiako Añorga auzoko Firestone Lantegi berreskuratuan antolatu genuen. Bilboko Karmelan prestatu dugun aurtengoa, beraz, Tattoo Circus Euskal Herria Topaketen laugarren edizioa da.
Tatuajeak, piercingak, eskarifikazioa... ez da oso mundu ezaguna jendartean, baina Tattoo Circusek ikusgarritasuna ematen dio.
Edizioz edizio jende gehiagok ezagutzen du Tattoo Circusen funtsa, eta partaidetza handia izaten da. Egunero 250-300 bazkaritik gora eman izan dira, eta jendearen joan etorria itzela da uneoro. Masajeak, Shibaria eta suspentsio askea gero eta publiko gehiagorengana heltzen dira. Tatuaje, zulatze eta piercing-ak egiteaz gain, proposaturiko beste eskaintzei ere ondo erantzuten dio jendeak.
Karmela oso espazio handia da, eta halere betetzea espero dugu. Ematen du eguraldia ez dugula lagun izango asteburuan, baina karpak jarriko ditugu eraikinaren kanpoaldean ere eroso egon gaitezen.
Igande arratsaldeko Cabareta “ikusgarria” izango dela diozue.
Kabareta Tattoo Circuseko indarguneetako bat da, jende asko elkartzen da ikusteko. Artista eta adierazpen artistiko oso desberdinak batzen ditu emanaldiak, oinarri komun baten inguruan. Espektakulu bizia eta entretenigarria izan dadin saiatzen gara: hiru orduko iraupena du eta halere laburra egin ohi da.
Zer beste gauza nabarmenduko zenuke aurtengo egitarautik?
Pertsona guztiak eroso egon daitezen saiatu gara: hitzaldietan itzulpen zerbitzua egongo da gaztelaniara, euskarara eta keinu hizkuntzara –euskara lehenesten dugu–; arauz kanpoko funtzionaltasun fisikoak dituzten pertsonentzat egokitu ditugu espazioak; gatazka protokoloa garatu dugu telefono bat eta gune bat egongo dira inork beharrik izanez gero.
Otorduei, edatekoei zein saltzeko materialei dagokionez, ahal izan dugun heinean bidezko merkataritzara eta tokiko produktu ekologikoetara jo dugu. Presoei idazteko txokoa egon da, Suspensing askeak egiteko aukera, tatuatzaile kopuruak gora egin du…
Asko gara antolakuntza lanetan gabiltzanak, baina Tattoo Circusa denon artean aurrera ateratzea nahi dugu. Inork ez du inorentzat lan egiten bertan, beraz, errespetuz jokatu eta parte hartu!
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Donostiako Intxaurrondo kalean ohikoa da gazte arabiarrak ikustea bazkalorduan. Bertan, Cáritaseko lagunek ogitartekoak banatzen dituzte egunero. Maiatzaren 6tik aurrera ordea, bazkaltzeko ez, afaltzeko elkartzen dira gazteak. Eta ez Cáritasen, metro batzuk gorago dagoen Letaman gaztetxean baizik. Modahara kolektiboari esker, Donostiako etxerik gabeko gazte arabiar hauek Ramadana euren ohituren arabera ospatzeko aukera izan dute aurten.
Datorren igandean Europar Parlamenturako hauteskundeak ere izango dira. Seguruenik alderdi politikoek nahiago izan dute gai militarrak ezkutatzea, eta botoak lortzeko helburuz, denak arduratu dira gehiago gai sozialen inguruan. Baina datorren legegintzaldian segurtasun politika izango da Europako Komisioaren eta Euroganberaren ardatz nagusia, Europar gudaroste baten proiektu militarra baita Europar Batasuna integratzeko prozesuaren apustu garrantzitsuena.
Holandako LGBT mugimenduak bultzaturik, 1987an inauguratu zen Amsterdamen Homomonument izeneko oroigarria, nahiagotasun sexualagatik jazarpena jasan duten gay-trans-lesbianen omenez. Naziek kontzentrazio-esparruetan ustezko homosexualak markatzeko erabiltzen zuten hiruki arrosa du oinarri. Hiruki arrosa da gaur ere mundu osoko LGBT mugimenduaren ikurretako bat, ortzadarraren ikurrina baino borrokalariagoa ere badena, nolabait esatearren.
Harrez geroztik, munduko beste hainbat lekutan eraiki... [+]
Ipar Euskal Herriko Hitza-k zabal eta zehatz azaldu du Baionako Patxa plazaren izana, Plaza: izena, izana ahaztu gabe artikuluan. Orain dela hogeita hamar urte luze hasi zen plazaren “ospea” gauzatzen.
Kalean topo egin eta Deustuko Gazte Lokala ez ixteko eskatu dio gazteak Bilboko alkateari. Eskaeraren aurrean haserretu egin da Aburto, eta honen bizkartzain batek identifikatu egin du gaztea.
Askotarikoak izan dira azken asteotan Euskal Herriko zein Espainiako estatuko prentsan ikusi ditugun titularrak (susmagarriki, hauteskunde kanpainaren bezperetan): “Durangoko emakumeak askeago egingo dituen botoia”, “nola saihestu eraso matxistak klik batekin”, “mehatxatuak sentitzen diren emakumeentzako botoia”... Bai, Durangoko udalaren azken iragarpenaz ari gara: Izuaren aurkako botoia deitu diotenaz.
Deustuko Gazte Lokala, Errondoko Auzo Etxea eta Bizinahi espazioetako kideak dira mobilizazioa deitu dutenak. ‘Auzogestioa. Gune askeetatik auzoa eraikiz’ lelopean, 19:00etan abiatuko dira Deustuko Gazte Lokaletik.
Ciudadanos alderdi espainiar eta eskuindarraren buruzagiak Ugaon izan dira ostegunean, hauteskunde kanpainako beste ekintza mediatiko batean. Altsasun eta Errenterian ez bezala, ez dute istilurik sortzea lortu, herritar ugarik bizkarra emanda eta isilik erantzun dute, eta ondoren "desinfekzio antifaxista" egin dute.
Gasteizko Errekaleor auzo okupatuan garrantzitsuak diren bi daten artean hitz egiten dugu bertako auzkidea den Aitana De Miguel Lopeteguirekin; maiatzaren 18an bi urte bete dira Errekaleor argindarrik gabe utzi zuela Iberdrola eta Ertzaintzaren arteko operatiboak; asteburu honetan auzoko jaiak ospatuko dituzte. Bi data horiek aitzakia hartuta argi mozketaz, horrek ekarri dien eredu energetiko berriaz eta proiektuaren osasun egoeraz mintzatu gara De Miguelekin.
Nekane Txapartegi maiatzaren 22an deklaratzera deitua zuen Espainiako Auzitegiak. 200 lagun elkartu ziren Bernako auzitegi aurrean elkartasunez. Bideokonferentziaz ere ez deklaratzea erabaki zuen, "Estatu Espainiar eta Suitzarraren arteko joko horretan ez sartzeko". Nazioartean elkartasuna pizten doa eta hurrengo aste-hilabeteetan bi estatuek erabakiko dutenaren zain egon beharko du euskal errefuxiatu politikoak. Hala Bedi irratian egindako elkarrizketan adierazi duenez, "Kausa... [+]
