Espainiako Estatuan indarkeria matxistagatik emandako epaien %70ean zigorrak ezarri ziren
2019an, 51.790 epai eman ziren eta haietatik 36.534tan salatutakoei zigorrak ezarri zitzaizkien. Orain arteko kopuru handiena da, gutxigatik bada ere.
Botere Judizialaren Kontseilu Nagusiaren Etxeko Indarkeriaren eta Genero Indarkeriaren aurkako Behatokiak eman ditu datuak. 2019ko datu zehatza %70, 54 da eta 2018koa berriz ia-ia parekoa: %70,45.
Emakumeen aurkako indarkeriaren epaitegietan izan dira ehuneko handienak, batez beste %87,89. Epaitegi horietan kasurik arinenak lantzen dira eta aldeen artean adostasuna dagoenean. Probintzia-audientziek kasurik larrienak jasotzen dituzte eta ehunekoa 82,51koa izan da 2019an. Zigor-arloko epaitegiek kasu larriak izaten dituzte, baina zigorra ez da bost urteko espetxealditik gorakoa izaten. Epai horien %57,84k salatutakoa zigortu zuen.
2019an 168.057 salaketa jarri ziren indarkeria matxistagatik, 2018an baino 0,67 puntu gehiago. Salaketa horiek 161.378 biktimak jarri zituzten; batzuek salaketa bat baino gehiago jarri zuten.
Salaketen %72 baino gehiago biktimek beraiek jarri zituzten, %13 poliziaren esku-hartzearen ondorio izan ziren, eta %2,6 senideek edo ingurukoek jarri zituzten.
Salaketa jarri zutenen %10,66k erasotzailearen aurka ez deklaratzea erabaki zuten.
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]
Gaur egingo diote autopsia gorpuari. Atxilotutako 37 urteko gizona espetxean mantenduko dute epaiketara arte. Prestatutako hilketa matxista izan dela frogatzen bada, biziarteko kartzela zigorra kontenplatzen du Frantziako legediak. Mobilizazioak egingo dituzte egunotan Euskal... [+]
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.