Eslovakiak COVID-19aren test azkarra egingo die asteburu bakarrean herritar guztiei
Munduko lehen herrialdea da horrelako erabaki bat hartzen. Militarrak arduratuko dira antolaketaz. Gobernuak ez du zehaztu proba egitea borondatezkoa edo derrigorra izango den.
Igandean Eslovakiako Errepublikako gobernuak ministroen kontseilu berezia egin zuen, eta ondoren Jaroslav Nad Defentsa ministroak eman zuen erabakiaren berria, Efe berri agentziak zabaldu duenez. Herritar guztiak deitu ditu Gobernuak COVID-19aren antigenoen test azkarrak egitera, urriaren 31 eta azaroaren 1eko asteburuan. Lehenago proba pilotua egingo dute, datorren asteburuan, birusaren eragin handiena sufritzen ari diren lau eskualdetan. Azken bi asteotan kutsatutako herritarren kopuruak gora egin du herrialdean.
Indar Armatuak zuzenduko dute operazioa, eta 8.000 soldadu mobilizatuko ditu gobernuak. Herritarrak hauteskundeetan bozka ematen duten tokietara deituko dituzte, 6.000 hautesleku orotara. Militarrek, osasun arloko profesionalek eta zibilek osatutako talde bat egongo da hautesleku bakoitzean.
Proba, derrigorrez edo mehatxupean
Gobernuak ez du zehaztu proba egitea boluntarioa edo derrigorrezkoa izango den. Derrigorrezkoa izatea erabakitzekotan, legea erreformatu beharko du aurretik gobernuak. Borondatezkoa izatekotan, gobernuak iradoki du proba egiten ez duten herritarrak laguntza sozialak edo zerga-salbuespenak galtzeko arriskua izan dezaketela. Hamar urtetik beherako haurrak soilik daude salbuetsita.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.