Eskola jantokien iruzurrean Jaurlaritzak duen erantzukizuna ikertzeko batzordean akordiorik ez
Eskola jantokietako esleipenetan, hamar urtez zerbitzuaren prezioa adosteagatik zortzi enpresari hemezortzi milioi euroko isuna ezarri zien Lehiaren Euskal Agintaritzak 2016an. Iruzurrean Eusko Jaurlaritzak zuen erantzukizun politikoa zehazteko ikerketa batzordea osatu zen ondoren Legebiltzarrean eta aste honetan zen ixtekoa, PPk EAJ-PSErekin testu bat adostu ostean. Azken orduan, baina, testuarekin bat ez egitea erabaki du PPk.
2018an abiatu zuen Eusko Legebiltzarrak ikerketa batzordea, PP, Elkarrekin Podemos eta EH Bilduk bultzatuta. “Euskadin inoiz izandako ustelkeria kasurik handiena” zela adierazi zuen orduan PPk, baina ondoren, Eusko Jaurlaritzak auzi honetan ardura politikorik ez zuela izan (zehazki, ez dagoela frogatuta enpresen eta Jaurlaritzaren artean horretarako harremanik izan zenik) dioen testua adostu zuen PPk EAJ-PSErekin.
Hiru alderdi horiek testua onartuta, ikerketa batzordea aste honetan ixtea aurreikusten zen, baina azken unean atzera egitea erabaki du PPk, Eldiario.es-ek kontatu duenez. Hurrengo bilera hauteskundeen ostera arte atzeratzea proposatu du batzordeko buru Larraitz Ugartek (EH Bildu), ez baita akordiorik lortu. EH Bilduk 70 milioiko galera (eta kalte ekonomikoa) egozten die irregulartasunei, Elkarrekin Podemosek berriz, 80,2 milioi eurokoa.
Nekazariak protestan ari dira, baina eredu agroindustrialak hartu du lidergoa. "Itun Berdea" ere, Europar Batasunaren hurrengo hamarkadako estrategia nagusia zena, pikutara bota dezakete, begirik kliskatu gabe. Bitartean, euskal eskoletan zorriak eta harrak... [+]
Ikasturtean zehar enpresaren jantoki-zerbitzuak hainbat ikastetxeetan sortutako “arazoengatik” eten dute kontratua.
Herriko ikastetxe eta ikasle guztientzako bestelako jantoki eredu bat bideragarria ote litzatekeen aztertzea izango du helburu lanketak. Hernaniko ikastetxe bakoitzeko gurasoen ordezkariarekin elkarlanean egingo dute.
Arantzabela, Errekabarri eta Salburua ikastetxeek sukalde propioa nahi dute, auzoko eskoletako jangelak hornitzeko, baina hilabeteak joan hilabeteak etorri, administrazioaren erantzunik gabe jarraitzen dutela salatu dute: "Arduragabekeria eta utzikeria zantzuak sumatzen... [+]
Hernaniko ikastetxe guztietako Haur Hezkuntza zikloan eta ikastetxe bateko Lehen Hezkuntza zikloan jangelan oihalezko ahozapiak erabiltzen hasi dira, paperezkoen ordez. Udalak izan du ekimena eta berak erosi ditu 213 ikaslerentzako kotoizko zapiak herriko oihal denda batean... [+]