Testak biderkatuta, positiboak isolatu ahal izatea eta berriz ere herritar guztiak konfinatu behar ez izatea da asmoa. Hala argitu du Macronek telebistan egin dioten elkarrizketa batean. Izan ere, pandemiaren eragina “apur bat hazten” ari dela onartu du, eta bigarren olatua etor daitekeela.

“Jendea erlaxatzen ari dela ikusten ari gara eta datozen asteetan maskara derrigorrezko bihurtuko dugu leku itxietan”, adierazi du. Kanpoan, gomendiozko izaten jarraituko du.

Desorekarik gabeko konfinamendua?

Konfinamenduak desoreka ugari agerian utzi zituela onartu du presidenteak, eta horregatik, bigarren olatua etorriko balitz gobernutik beste modu batera aurre egiteko prestatzen ari direla azaldu du.