Eskaintza kultural zein sozialerako eraikin bat auzolanean eraberritzen hasi dira Pasai Antxon
Auzolanean garai batean laborategia izan zen eraikina ekintza sozial zein kulturalak eskaintzeko gune publikoa bihurtzeko asmoa dute. Luzuriaga martxan izena jarri diete herri ekimenari.
Joan den larunbatean auzolanari ekin zioten eta laborategi ohia txukuntzen hasi dira, proiektuari hasiera emateko. Proiektuan parte hartu nahi duen Pasai Antxoko zein Pasaiako herritar orori auzolanera gerturatzeko deia luzatu diete.
Herrian ekintza sozial eta kulturalak aurrera ateratzeko gunerik ez dutela aldarrikatuz, Luzuriaga behar horiek asetzeko erabili nahi dute. “Helburu hauek lortzeko parte hartzean oinarrituko gara, dinamika kultural eta soziala sortuz”, azaldu dute ekimenaren sortzaileek. Guneak izaera publikoa izango du eta ekimenean euskarak pisu handia edukiko duela adierazi dute.
Ekimenak Pasai Antxoko Historia Mintegiak egindako ekarpenean du jatorria, non bertan herriak duen ondare zein beharren inguruan gogoeta egiten duen. Beste hainbat eragilek herriko beharren inguruan hausnartu ondoren, Luzuriaga ekimena aukera ezin hobetzat hartzen dute, gaur egungo egoera ekonomiko zein sozialari erantzun bateratu bat emateko.
Harremanetan jartzeko, ekimenaren nondik norakoak eta informazioa jasotzeko, Twitter eta Facebook bidez jarrai daiteke ekimena.
Tania Trezetenak dira albistea ilustratzeko erabili ditugun argazkiak. Bere webgunean argazki gehiago.
ETBko EHZ saioan proiektuari buruz aritu ziren.
Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari' izeneko kanpaina abiarazi zuten atzo eta martxoaren 13ra arte aukera dago saski horietako... [+]
Udazkena etorri da aurten, ni fede handirik gabe nengoen arren. Ez dakit zein mirari tarteko, hostoek erabaki dute orbel bilakatzea; eta jantzi egin dituzte bideak eta bazterrak, gorriz, laranjaz, horiz eta berdez. Zuhaitz guztiek bat egin dute manifestazio erraldoian, baita... [+]
Hamar urte dira saskiekin hasi zirela eta bi milioi euro bildu dituzte guztira.
50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.
Baserritar bat abereak gobernatzen edo traktorea gidatzen irudikatu beharko bagenu, ziurrenik gizon heldu bat imajinatuko genuke. Erreportaje honetarako elkarrizketatu ditugun baserritarrek, ordea, erakutsi digute iruditeria folkloriko horren atzean badaudela landa eremutik... [+]