"Ez ekarri eskularruak langileak esklabotza egoeran dauzkaten enpresa eta herrialdeetatik"

  • Koronabirusari aurre egiteko erositako eskularruak legez kanpoko baldintzetan egindako enpresetan ez erosteko eskatu du Erresuma Batuko osasun sistemak (NHS). Osasun langileak soilik ez, beraiek babesteko eskularruak ekoizten dituztenak ere babesteko eskatu dio gobernuari. Eskularru gehienak Malaysiako enpresetan ekoizten dituzte.


2020ko apirilaren 23an - 09:41
Eskularru fabrika baten argazkia. Argazkia: El Nuevo Día.

Konfinatuta dago Malaysia, baina eskularru fabrikak zabalik daude, munduko zenbait estatutarako materiala ekoizten. Bussiness and Human Rights Resource Centrek kaleratutakoaren arabera, hamabi orduko lanaldiak dituzte, lan baldintza txarrekin, “esklabotza mota modernoak” ezarriz.

Eskularru ekoizleen segurtasuna bermatu behar dutela gehitu du giza eskubideen aldeko erakundeak. Langileak beldur dira segurtasun baldintzak betetzen ez direlako: 45 lankide elkarrekin joaten dira lanera autobus berean, lantokiko sarrera jendez pilatuta egoten da denak batera sartzen direlako, ateak zabaltzeko hatz markak irakurtzen dituen eskaner bakarra erabiltzen dute langile guztiek… Eta guztira 10 euro ere ez dituzte irabazten egunean.

Fabriketako langile asko Nepaldik joaten dira, eta horiek beldur dira Malaysiako langileren bat kutsatuta egonez gero beste guztiak ere kutsatuko diren. Institute for Human Rights and Bussinesseko Neil Wilkinsek adierazi du langileei segurtasun tartea egotea bermatu behar zaiela, eta gobernuak langileen segurtasuna eta osasuna bermatzen direla lehenetsi behar duela.

Mafia lantokietan bertan

Malaysiako eskularru ekoizleak lan baldintza eskasetan aritzen dira, eta beren burua babesteko dirua ordaintzen diete zenbait komertzialei. Ordaintzen duten diru kantitate hori beraientzat nahiko altua denez, ez dute komertzialen menpe egotea beste aukerarik. Hori egiten duten gehienak inguruko herrialdeetatik, Bangladeshetik, Nepaletik, Myanmarretik eta Indonesiatik joandako langileak dira.

Erresuma Batuko Gobernuak horren berri baduela salatu du Andy Hall langileen eskubideen aldeko ekintzaileak, eta gobernuaren erantzuna “oso geldoa” izan dela adierazi du. Izan ere, The Guardianek kaleratutako ikerketa baten arabera, 2018an herrialdeari eskularru gehien saltzen zizkieten bi enpresek zituzten lan baldintza txarretan zeuden langile migratzaileak.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude