Erresuma Batuan ere COVID-19aren aurkako txertoa gizakiekin frogatzen hasi dira

  • Erresuma Batuko Oxford unibertsitateko Jenner institutua da Europan gizakiekin koronabirusaren aurkako txerto baten frogak egiten ari den lehen zentroa. Hilabete batez frogatuko dute pazienteekin eta dagoeneko 1.000 boluntario aurkeztu dira, 18 eta 50 urte bitartekoak.


2020ko apirilaren 19an - 17:32

Lehenbiziko fase horretan txertoak funtzionatuko balu, zaurgarriagoa den populazioarekin frogatuko litzateke, eta dena ongi aterako balitz, udazken honetarako prest egon daiteke, ikerlariek albiste agentziei adierazi dietenez.

COVID-19aren aurkako txertoa aurkitu nahian dabiltzan laborategietako bat besterik ez da Erresuma Batukoa, mundu osoko ikerlariak ari baitira gaitzaren kontrako formularen bila. Txinan, adibidez, garatu duten txertoa dagoeneko gizakiekin egiten ari diren frogen bigarren fasean sartu da: 80 urtetik gorako pertsonekin frogatzera iritsi dira.

Aurretik inoiz ikusi gabeko erritmoak dira: gaixotasun baten txertoa aurkitzeko, egoera normal batean, bost edo hamar urte egin behar izaten da lan –kasurik onenetan, hamabi edo hemezortzi hilabete–.

Baina laborategietatik esperantzarako mezuak zabaltzen ari badira ere, Txertoen Nazioarteko Institutuak animoak pixka bat baretu nahi izan ditu. Jerome Kim, erakunde horretako zuzendari nagusia, beste aukera batzuez ere aritu da hedabideen aurrean: HIESarekin edo tuberkulosiarekin bezala gerta daiteke koronabirus honekin, eta agian ez da posible izango txerto baten bidez guztiz suntsitzea. Gaixotasuna pasa ondoren osatu diren pertsonen indize altuak, hori bai, immunitatea aurkitzeko esperantza ematen du, Kimen ustez.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude