Emakumeen onespena, sexu erasoen aurkako Espainiako lege aurreproiektuaren ardatz

  • “La Manada” auziak hasiera batean sexu gehiegikeriatzat jo zuen Sanferminetako bortxaketa, ez sexu erasotzat, eta halakoak saihesteko lege aurreproiektua onartu du Espainiako ministroen kontseiluak. Emakumeak ez badu libreki eta modu argian onespenik ematen, sexu askatasunaren kontrako erasoa izango da legez.


2020ko martxoaren 03an - 16:38

Proiektuak bidea egin behar du oraindik eta Diputatuen Kongresuan eztabaidatuko da, baina aurrera ateraz gero, Espainiako Zigor Kodearen 178. artikulua moldatuko da eta ezarriko da “pertsona baten onespenik gabe bere sexu askatasunaren aurkako edozein ekintza sexu erasoa” izango dela eta urte batetik lau urtera arteko espetxe zigorra izango duela. “Ez dago onespenik biktimak ez badu libreki eta modu garbian adierazi ekintza horretan parte hartu nahi duela”. Alegia, Irene Montero Berdintasun ministroak adierazi duenez, “bai soilik izango da bai”.

Ekintzaren arabera, zigorrak handituz joango dira, baina Monterok nabarmendu du zigorrak baino gehiago indarkeria prebenitzea dela helburua, baita biktimaren erreparazioa bideratzea ere.

Biktima umiliatzea, beldurtzea edota jarrera eta proposamen sexualak ere delitu arinak izango dira eta erasotzailearentzako zigorrak ezberdinak izango dira, hala nola komunitatearentzat lanak egitea edota isuna ordaintzea.


Kanal honetatik interesatuko zaizu: Sexu Erasoak
Gasteizen gizon bat atxilotu dute bikotekide ohia hainbat orduz lonja batean giltzaperatuta izan ostean

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz eta hainbat alditan egin dio eraso. Gizonak, urruntzeko agindua zuen, aurrez egindako tratu txarrak tarteko.


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Lau urteko kartzela zigorra ezarri diote 41 urteko gizon bati Iruñean, bikotekideari sexu erasoak egiteagatik

Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.


Bi gizon atxilotu dituzte Galdakaon, sei adingaberi sexu erasoak egitea egotzita

Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.


2024-02-13 | ARGIA
Bi gizon atxilotu dituzte Tolosan eta Ibarran, hiru sexu-eraso egitea egotzita

28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.


Eguneraketa berriak daude