Emakume baten kontrako sexu abusua salatzeko protesta egin dute Barakaldon
Barakaldoko bizilagunak Herriko plazan elkarretaratu dira Argitan Emakumearen Aholku Zentroak deituta, emakume baten aurkako sexu abusu kasu berri bat salatzeko. Enegarren erasoa izan dela adierazi dute.
Elkarretaratzea asteartean egin dute, abuztuaren 16ko goizaldean Barakaldoko etxebizitza batean gertatutako sexu abusu kasu baten harira. Gertakariak Ertzaintzaren aurrean salatu dira, eta horiengatik gizon bat ikertu dute.
Argitan elkarteak kalera irteteko deia egin du, Barakaldon emakumeen aurka jazotzen diren erasoen aurrean salaketa publikoa egiteko. Kolektibo feministak "neurri integralak eta apustu ausartak" eskatu dizkie eragile sozial, politiko zein instituzionalei. Era berean, matxismoaren eta desberdintasunaren aurka erreakzionatzeko eta aktiboki mobilizatzeko deia egin du.
"Indarkeria sexista ez da modu isolatu eta indibidualizatuan gertatzen, baizik eta emakumeek gizarte patriarkal honetan, kultura mailan, komunikabideetan, Estatuan, lan merkatuan, familian edo hezkuntza sisteman bizi ditugun desberdintasun eta diskriminazioen ondorio da", gogorarazi du Argitanek. Azken erasoak "Barakaldon gertatutako dozenaka indarkeria matxistarekin” lotura duela azpimarratu du. Zehazki, Emakumearen Aholku Zentroak 66 kasu artatu zituen iaz, azken hamarkadako kopururik altuena.
2020an datu "okerragoak" espero dituztela ohartarazi dute; izan ere, indarkeria matxista pairatu duten 47 emakumeren kontsulta jaso ziren COVID-19ak eragindako alarma egoeran zehar.
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.