Emakume bat bortxatua izan dela salatu dute Ondarroan
Ekainaren 13an emandako gertakaria salatu du Ondarroako (Bizkaia) talde feministak, eta Herrizaingo Sailak salaketa jaso eta gizonezko bat inputatu duela baieztatu du.
aurre egingo dieten hedabide independenteak
Salaketa jarri duen talde feministaren adierazpenen arabera, herriko jatetxe bateko langilea da erasotutako emakumea. Bortxatua izan zen egunean, lanaldia amaitzerakoan bere bi lankiderekin joan zen zerbait hartzera. Gaizki sentitzen hasi eta etxera joatea erabaki zuen, baina berarekin zeuden bi gizonezkoek alde egitea eragotzi zioten. Ostean zentzumena galdu zuen, eta bere onera etortzean lankideak bera bortxatzen zebiltzan. Emakumeak ihes egitea lortu zuen.
Ondarroako gazte feministak “bortxaketa hau salatu eta erasotzailea herritik botatzeko” mugitzen hastea eskatu diote herritarrei. Ondarroako Berdintasun Kontseiluak eta Udalak adierazpena plazaratu dute, erasoa salatuz eta elkartasun zein babes osoa eskainiaz erasotua izan den emakumeari. Idatzian adierazi dutenez, Udalak eskura dituen errekurtso guztiak martxan jarriko dituzte, eta bigarren biktimizaziorik eman ez dadin bestelako baliabideak eskura jartzeko konpromisoa hartzen dute. Jendarte parekide baten alde lanean jarraituko dutela azaldu, eta herritarrei emakumeen kontrako indarkeriaren aurrean jarrera aktiboa izateko gonbita luzatu diete.
Erasoa salatzeko elkarretaratzea egingo da asteartean, 20:00etan, Alamedan.
Eraso sexistak asteburuan
Ondarroako erasoarekin batera emakumeen kontrako eraso gehiago salatu dituzte azken egunotan, bata Hernanin eta bestea Gasteizen.
Hernaniko Bilgune Feministak salatutakoaren arabera, herriko jaien testuinguruan, ekainaren 23tik 24rako gauez, eraso larria gertatu da Hernanin. Bilgune Feministak protokoloa martxan jarri du erasoari erantzuteko, eta asteartean, hilak 26, manifestazioa deitu dute. Plaza Berritik abiatuko da 20:30ean.
Bestetik, Gasteizko Mugimendu Feministak eta Judimendiko Jai Batzordeak, eraso sexisten aurkako protokoloa jarraituz, elkarretaratzea egin dute igandean, Judimendi auzoko jaien azken egunean. Jaiek iraun bitartean protokoloa egunero aktibatu behar izan dutela salatu dute. Eta azpimarratu dutenez, eraso larriena larunbatean, ekainak 23, eman zen. Jarrera oldarkorra izateagatik kanporatu egin zuten erasoengatik beste prozesu batzuk irekita dituen erasotzailea.
Gasteizko Udaltzaingoaren jarrera salatu dute, infantilizatu eta hainbat emakume identifikatu dituztelako, beraien hitza zalantzan jarriz. Eta gogorarazi dute Gasteizko jaietan Mugimendu Feministak eraso sexistak salatzeko telefono bat jarriko duela martxan egunean 24 orduz, 688 744 411 zenbakiarekin.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana