Agroindustriaren aurrean elikadura burujabetzaren aldeko aldarria Gasteizko auzoetan
Erosketa saskiaren garestitzea eta horretaz etekinak ateratzen dituen eredu agroindustriala salatzeko hamarnaka auzokide bildu dira larunbatean Judimendin (Gasteiz), Somos lo que nos dejan comer: agroindustriaren aurrean auzoak burujabetza jardunaldian. Egun osoko egitaraua antolatu du Batuta Judimendiko Elkartasun Sareak, elikaduraz kolektiboki hausnartu, Arabako produktuekin egindako otorduaz disfrutatu, elkar ezagutu eta sareak ehuntzeko.
aurre egingo dieten hedabide independenteak
Jardunaldietan, batetik, salatu dute erosketa saskiaren garestitzearen atzean enpresa handien eredu agroindustrial kapitalista dagoela, oinarrizkoa den ondasun batekin ahalik eta etekin handienak lortzea duena helburu. Bestetik, egoeraren aurrean eredu alternatiboak eskaintzen dituzten egitasmoak ezagutarazi dituzte.
Antolatzaileek positiboki baloratu dute eguna: "Judimendik argi adierazi du isolatuta eta bananduta nahi gaituen sistema baten aurrean auzokideok batuta erantzungo dugula".
Era berean, azpimarratu dute erosketa saskiaren garestitzea "arazo kolektiboa eta egiturazkoa" dela, eta "komunitatea indartu eta alternatiba kolektiboak eraikitzeko aletxo bat" jarri dutela, elikagaien eredu agroindustrialaren aurrean.
Egun osoko egitaraua
Mahai inguru batekin eman diote hasiera egunari. Bioalai, Bionekazaritza, Herrizoma eta Aguraingo ekonomatuko kideei esker, agroindustriaren aurrean alternatibak eskaintzen dituzten proiektu eta esperientzia ezberdinak ezagutu ahal izan dituzte. "Argi erakutsi digute alternatibak egon badaudela", adierazi dute antolatzaileek.
Hamaiketako baten ondoren, Landa eta auzoa hurbilduz izeneko tertulia eskaini dute Arabako nekazari gazte batek eta Sarainenea basoko kide batek. Nekazari txikiek ezartzen dizkieten oztopoez eta modu agroekologikoan ekoizteko dauden zailtasunez aritu dira.
Arabako elikagaiekin egindako bazkaria gozatu dute eguerdian, eta bazkalostean bingo musikatua egin dute. Ondoren, Ya llegó la revolución hormonal (Heldu da iraultza hormonala) antzerkia eskaini du Betina Campoalegrek.
Egunari amaiera emateko, kalejira salatzailea egin dute, enpresa handi eta supermerkatuen papera salatzeko. "Haiek kontrolatzen dute elikaduraren merkatua, bai ekoizpena eta baita salmenta ere, ekoizleak eta auzoko denda txikiek haien alboan zaila dutelarik bizirautea", salatu du Batutak.
Irailaren 9tik 12ra hamaika ekintza antolatu dituzte, herriko eragile, ekoizle eta merkatariekin elkarlanean. Gure lurra, gure jatekoa lelopean, herritarrak “bertako produktua zaintzera” bultzatu nahi dituzte, besteak beste. Ostiralean da hitzordu nagusia: azokak... [+]
Hamargarren urtemuga ospatuko du aurten Nafarroako Azoka Ekologikoak. Berrogei postuko azokaz gain mintzaldiak, tailerrak, kontzertuak eta erakusketak izanen dira
Herriko Etxeak elikadura burujabetzaren aldeko urrats handia egingo du 380 metro koadroko azpiegitura berriarekin. Sukaldeak haur eta adinekoentzako janari osasungarria eskainiko du, tokiko produktuekin eta tokiko laborantza indartuko du.
Urtero bezala, aurtengoan ere martxan dira Araban, Bizkaian eta Gipuzkoan Udako Azoka Ekologikoak. Euskadiko Nekazaritza eta Elikadura Ekologikoaren Kontseiluak antolatzen ditu azokak, Gipuzkoako Biolurrekin, Bizkaiko Ekolurrekin eta Arabako Bionekazaritza elkarteekin batera... [+]
Marurin kokatutako proiektua da Mustai Ortua, Gorka Areitio Elorduik eta Marcela Pava Gomezek bultzatua. Diseinu grafikoko ikasketak egin zituen Areitiok eta horretan ari zen lanean, baina gainezka eginda zebilen. Pava, berriz, abokatua da lanbidez, baina ezin zuen horretan... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
Intxaurrondoak ekainean emango du bere fruitua. Lan bikaina egin du, esfortzuak merezi izan du. Lehen beroaldiekin zirkulazioak eta bihotzak zaintza bereziak behar dituzte. Garrantzitsua da hidratazioa mantentzeko neurriak hartzea –ura, infusioa eta saldak– eta fruta... [+]
Uda da sasoirik oparoena baratzean. bai, behintzat, udaberrian ereintza eta landaketa lanak egin badira. iazko uda ez dadila errepikatu desio dute elikagaiak lurrean eta zeruari begira lantzen dituzten laborariek. Izan ere, batez beste %45 uzta txikiagoa jaso zuten. Datu hori... [+]
Aurten ez dut aparteko ilusiorik San Ixidro egunerako. Ez dut girorik aurkitzen. Ingurura begiratu eta giro ospela. Burua lanean jarri behar izan dut epeltasun bila, eta hara non, azaldu zaizkit gure gazten zain hilabeteak daramatzaten lagunen irribarreak. Bihotza epelxeago dago... [+]
Duela urtebete pasa gauzatu zuten Ortulaguntza proiektua Debagoienan. Langile bat kontratatu dute bailarako nekazaritza proiektu txikietan txandaka lanean aritzeko, hartara ekoizleei lan karga arintzeko eta baldintzak duintzeko. “Sektorea zaurgarri zegoela eta errelebo... [+]
Espainiako Gobernuak Eskola Jantokien inguruko Errege Dekretua atera berri du, Euskal Herri Hegoaldeko eskola jantokien kudeaketan eragingo duena. Spoiler: elikadura sistema osasuntsu eta jasangarri bat garatzeko inolako asmorik erakusten ez duen dokumentua da.
Nekazariarentzat baratzea eragozpena besterik ez da. Egungo makina bat nekazari “aurreratuk” horrela pentsatzen du. Bere lanean ez dute baratzerik behar, ezta oilategirik, ezta sagarrondorik, ezta erlauntzarik ere.
Bizkaigane elkarteak elikadura burujabetzan oinarritutako proiektua du Errigoitin (Bizkaia), 1983tik. Instalazioak dauden lur eremutik aterarazi nahi du lur jabeak elkartea. EHNE Bizkaia sindikatuak adierazi duenez, instalazioek lege eta administrazio eskakizun guztiak betetzen... [+]
