EHU

EHUk langileen eta ikasleen posta elektronikoaren zerbitzua pribatizatu nahi duela salatu dute

  • Pribatizazioari Stop plataformak agerraldia egin du asteazkenean Euskal Herriko Unibertsitatearen Ibaetako kanpusean.


2020ko uztailaren 16an - 10:24
Stop Pribatizazioa plataformak agerraldia egin du EHUko Ibaetako kanpusaren aurrean (Argazkia: Irutxuloko Hitza)

“Zuzendaritza aspalditik unibertsitateko hainbat oinarrizko zerbitzu pribatizatzen ari da. Horien artean, Informazio eta Komunikazio Teknologien zerbitzua, posta elektronikoak kudeatzeaz arduratzen dena”, salatu dute. EHUko zuzendaritzak langileen eta ikasleen posta elektronikoak Microsoft Office 365-era migratu nahi ditu, “erabiltzaileei beste aukerarik eman gabe”.

“Komunitate horren parte diren hainbat pertsonak Pribatzazioari Stop Plataforma sortzea erabaki genuen proiektu horren ondorioez kezkatuta: datu pertsonalak, proiektu eta ikerketen emaitzak enpresa pribatuen esku uztea; multnazional baten produktuekiko menpekotasuna; EHUren izaera publikoaren galera, eta EHUren dirua azpikontratazioetan xahutzea”, azaldu dute. Pasa den ekainean sinadurak biltzen hasi ziren, eta dagoeneko plataformaren adierazpenak 700 atxikimendu baino gehiago jaso ditu. “Unibertsitateko langile, ikasle eta sindikatu, eta norbanako zein elkarteen atxikimenduak dira”.

EHUko errektoreari ondorengo eskaerak egin dizkiote asteazkeneko agerraldian: “Gure datu pertsonalak enpresa pribatu baten esku ez uztea, IKTen kudeaketan pribatizazioa baztertzea eta software librearen alde benetako konpromisoa hartzea. EHUko zuzendaritzak gure eskakizunei emango dien erantzunen zain geratzen gara. Erantzun horiek ez genituzke hitzez jaso nahi baizik eta gure eskaeren alde egiten duten ekintzez”.


Irakurrienak
Matomo erabiliz
Azoka
Kanal honetatik interesatuko zaizu: EHU
EHUk Zibersegurtasun Katedra sortu du Israelgo unibertsitate bat erreferentzia hartuta

Proiektuaren memorian, nazioarteko erakunde laguntzaileak daude, eta horien artean Tel Aviveko unibertsitatea nabarmentzen da "erreferentzia" gisa. El Saltok lortu duen dokumentazioaren arabera, gobernu sionistak Gazan genozidioa hasi eta egun gutxira onartu zen... [+]


Kazetaritza Matxistaren Behatokia sortu dute, hedabideen eduki matxistak aztertzeko

Euskal Herriko Unibertsitateko Bitartez ikerketa taldeak eta Pikara Magazine agerkariko kideek sortu dute.


EHUko irakasle eta ikertzaileek grebarako deia egin dute

Asteazkena da lehen greba eguna: irakasle eta ikertzaileak daude deituta. Martxoaren 12rako ere berriz egin dute deia: EHUko langile guztientzat da hura. Irakasle eta ikertzaileen “prekarizazioaren” kontra egin nahi dute protesta. 


EHUren “izaera poliziala” salatu dute ehunka ikaslek Gasteizen

Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.


2024-02-29 | Axier Lopez
EHUko Klaustroaren gehiengoak eskatu du unibertsitateak Israelekin duen harreman oro eteteko

EHUko hainbat klaustrokide, irakasle-ikertzaile, ikasle zein TEKAZEL kolektiboaren langileek sustatu dute ekimena. EHUko kideen ordezkaritza organo gorenean parte hartzen duten 240 kideen artean, gehiengoaren babesa lortu dute.


Eguneraketa berriak daude