EHKOlektiboak muga administratiboen gainetik Euskal Herri osoan agroekologian ari diren hainbat laborari, baserri eta kaleko lagun biltzen ditu. Martxoaren 3an egingo dute beren 12. topaketa nagusia, Gipuzkoako Itsasondon.
Elkartetik adierazi dutenez, iragan azaroan Lesakan egindako ez-ohiko batzarrean, EHKOk bizi zuen egoera zailaren berri eman zuen zuzendaritza lana egiten duen Talde Eragileak, eta indarberriturik aurrera jarraitzeko konpromisoa berretsi zuten denen artean. "Azarotik gaurdaino iragan den denboran, Talde Eragilera indar freskoa sartu da, urtetan lan handia egin duten kideei erreleboa eskainiz. Gainera, elkarrekin adostutako batzorde berria martxan jarri dugu eta bide berriak urratzen hasiak gara".
EHKolektiboak sustatzen du "agroekologiaren oinarritutako nekazaritza eredu bio-ekologikoa bertakoa, etxaldekoa eta herrikoia". Elkarteak bere buruari hiru xede nagusi ipini dizkio:
- EHKolektiboaren oinarriekin bat eginez lan egiten duten etxaldeak identifikatzeko herraminta martxan jartzea, herritarrek ezagutu ditzaten eta merkatu handien dinamiketatik positiboki desberdintzeko.
- Agroekologia kontzeptua gure lurralde eta gizartera begira definitu eta garatzea.
- Bateko eta besteko esperientzia eta proiektuen arteko harremanak sustatzea.
Horiek denak izango dituzte hizpide igandean Itsasondon, goizeko 10etan hasiko duten batzarrean. Hala nahi dutenek izango dute herriko ostatuan bazkaltzeko aukera ere, aldez aurretik abisatzekotan.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Ardogintza borborka dago: mundu mailan gaineskaintza dagoela-eta, iaz milaka litro erosi zituen Jaurlaritzak destilatzeko. Espainiako Gobernuak diruz lagundu zuen mahats berdea lurrera botatzea. Aurten ere antzeko neurriak hasi dira agertzen. Baina nola iritsi gara egoera... [+]
Onintza Enbeita bertsolaria da, kazetaria, parlamentari ohia... eta baratzezaina ere bada. Hiru ahizpek dituzte unibertsitateko ikasketak, eta duela dozena bat urte erabaki zuten etxean beti ezagutu duten baratzeari eta azokan saltzeari berriz ekitea. Mattin Jauregik Egonarria... [+]
Amillubi proiektua iragan abenduan eman zuen ezagutzera Biolur laborantza ekologikoko elkarteak. Bere abiapuntuko helburua Gipuzkoan (Zestoako Iraeta auzoan) kokapen estrategikoa duten lur emankor batzuk ondasun kolektibo bihurtzea da, lur hauek babesteko eta bertan etorkizuneko... [+]