Egun gutxitan lau leherketa eta sute susmagarri gertatu dira Irango hiriburuan
Teheran inguruko fabrika batean gaur gertatutako leherketan gutxienez bi lagun suertatu dira hilik. Agintariek erantzukizuna 'giza-akats bati' egotzi dioten arren, nabarmentzekoa da egun gutxitan Iranek nozitu dituen antzeko leherketetan laugarrena dela asteartekoa.
Baqershahr herrian, Teherandik oso hurbil, dagoen industria-gune batean gertatu da leherketa hilgarria, gutxienez bi lagunen heriotza eragin duena, hiru gehiago zaurituz. Irango gobernuaren funtzionario batek IRNA agentziari esan dionez, "leherketa gertatu da zenbait langilek oxigeno tankeen erabileran trakets jokatu dutelako. Leherketa hain izan da handia, ezen eta ondoko fabrika baten hormak ere hondatu baititu".
Kontua da egun gutxitan horrelako istripu berezi gehiago gertatu dela Iranen, interes estrategikoa eduki dezaketen hainbat gunetan. Joan den ostegunean, uztailak 2, Irango gobernuak uranioa aberasteko azpiegiturak dauzkan Natanz lurpeko faktoriaren goiko solairuan sueta gertatu zen; agintariek aitortu zuten kalte handiak eragin zituela. Aste horretan bertan, ofizialki gas ihes batek eraginda, leherketa handi bat gertatu zen Teheran iparraldeko klinika batean, 19 lagunen heriotza eraginez. Ekainaren 26an Parchin base militarrean gertatu zen antzeko beste leherketa bat; parchinen armak garatzeko instalazioak dauzka gobernuak.
Bai Irango eta bai nazioarteko zenbait adituren susmoetan dago gertakizun hauek guztiak istripuak baino sabotajeak izango ote diren, AEBk edo Israelek ezkutuka antolatuak. Irango agintariek aitortu dute, hasteko, Natanzko suteak atzeratu egin dituela herrialde horrek erregai nuklearra bere kasa ekoizteko prozesuak.
Las Vegas hiri ezagunetik ordubetera Creech-eko aire-base militarra dago basamortuaren erdian. 1950eko hamarkadan, Gerra Hotzean, ia mila leherketa nuklear "esperimentalen" lekua izateagatik ospetsu egin zen. Creechen koordinatu dituzte azken 20 urteotan AEBek mundu... [+]
Droneen ekoizpena gorantza doan industria da, eta Turkia gerrarako droneen fabrikatzaile eta esportatzaile handienetakoa bihurtu da. Haien produktu izarra Bayraktar TB2 da. Modu autonomoan aireratu, lurreratu eta nabigatu dezakeen drone bat, baina giza operadore baten mende... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
1950eko hamarkadan, AEBetako armada droneak erabiltzen hasi zen gatazka guneetan zaintza eta errekonozimendu misioetarako. 1994ko uztailaren 3an izan zen Predator dronearen lehen hegaldia, armatuta egon gabe. 1995eko uztailean, Predatorrek Balkanen gainetik egin zuen hegan... [+]