Egoera zaurgarrian dauden euskal presoak askatzeko eskatu dute nazioarteko ehun bat eragilek

  • Pandemiatik babesteko eta Euskal Herriko bake prozesuan aurrera egin ahal izateko, euskal presorik zaurgarrienak berehala askatzeko eta batzuk baldintzapean aske uzteko eskatu diete Espainia eta Frantziako gobernuei nazioarteko 98 eragilek eta bost elkartek.


2020ko maiatzaren 19an - 16:45

60 urtetik gorakoak eta aurretik patologiaren bat edo gaixotasun larriren bat dutenak askatzeko diote eragileek, baita zigorren hiru laurdenak bete edo baldintzapeko askapenaren baldintzak betetzen dituztenak ere.

ETAk indarkeria 2011n amaitu zuen arren, bake prozesua osatu gabe dagoela diote eragileek eskutitz bidez, “motibazio politikoko” 230 preso baino gehiago daudelako oraindik espetxean. Ausart eta eskuzabal jokatzeko eta presoen auziari heltzeko eskatu diete Madril eta Parisi. “Nazioarteko esperientziagatik badakigu edozein bake prozesuk ez duela aurrera egiten presoen auzia kudeatu gabe”.

Idatzia sinatu dutenen artean dira hainbat gobernutako kideak, osasunaren arloko profesionalak, gizarte-erakundeak, giza eskubideen defendatzaileak, unibertsitateko irakasleak edo nazioarteko gatazketako bitartekariak; “guztiak ideologia desberdinetakoak”, nabarmendu du Sare Herritarrak: “Denek altxatu dute ahotsa, Espainiako eta Frantziako gobernuei gizatasuna euskal presoei dagokionean gizatasuna eskatzeko”.

Sarek berak egina du aurretik eskaera hori bera, eta gogoratu duenez, “Europako Kontseilua, Nazio Batuen Erakundea eta orain mundu mailako ehun pertsona esanguratsuren eskaria da” dagoeneko.


Kanal honetatik interesatuko zaizu: Euskal preso politikoak
54 urteko espetxe eskaera sei pertsonarentzat presoen ongi etorriak antolatzea egotzita

Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.


Presoen Euskara Irakasleen Taldeak agur esan du

Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.


2024-04-24 | Estitxu Eizagirre
'Zenbat lo' liburua aurkeztu dute Asteasun
Kartzelako hormak zeharkatzen dituen ama-alaben arteko harremana hitz eta iruditara eramana

Nekane Txapartegi Suitzako kartzela barrutik eta alaba kanpotik, elkarri hamaika modutara maitasun mezuak helarazten. Horra Txalaparta argitaletxeko Zenbat lo liburuak jaso duen historia, Iraitz Lizarragaren hitzetan eta Izaro Lizarragaren ilustrazioetan. Iragan hurbileko... [+]


Sortuko sei kide epaituko dituzte euskal presoei "ongi etorri" ekitaldiak antolatzeagatik

Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]


Eguneraketa berriak daude