Egiari Zor Fundazioak “tortura sistematikoa” salatu du Torturaren Aurkako Egunean
Otsailaren 13an 42 urte bete dira Joxe Arregi Espainiako Poliziaren torturen ondorioz hil zutela, Madrilgo Carabanchelgo espetxeko ospitalean, atxilotu eta bederatzi egunera. Igandean Zizurkilen omenaldia egin dio Egiari Zor fundazioak, eta “tortura sistematikoa” salatu dute.
aurre egingo dieten hedabide independenteak
Joxe Arregiren heriotzaren urteurrena izaten da Torturaren Aurkako Eguna, otsailaren 13. Aurten 42 urte bete dira Arregi Poliziaren eskuetan hil zela, eta bere jaioterri Zizurkilen ekitaldia egin dute igandean. Egiari Zor Fundazioak bertan nabarmendu du Arregiren kasua bezalakoak bereziak direla, heriotzak direlako , baina “gaitz askoz zabalago baten parte” direla, “tortura sistematikoaren parte”.
Arregiren heriotzaren inpunitatea salatu dute. 73 poliziak hartu zuten parte haren atxiloketan, eta soilik bi epaitu zituzten: Antonio Gil Rubiales eta Julián Marín Ríos poliziek hiru eta lau hilabeteko kartzela zigorrak jaso zituzten, eta Felipe Gonzálezen gobernuak indultatu egin zituen gero. Are, postuz igo zituzten. Ohartarazi dute legez kanpoko praktika hori, tortura, hamarkadatan egin ahal izateko, Espainiako Estatuak bermatu zuela inpunitaterik gabe egiteko aukera.
EH Bilduk ere otsailaren 13aren harira salatu du “era sistematikoan” erabili duela tortura Espainiako Estatuak, zehazki “euskal independentismoaren aurka”. Zigorgabetasuna kritikatu eta torturaren biktimak bigarren mailakoak izateari uzteko eskatu du Unai Urruzuno EH Bilduko mahai politikoko bozeramaileak: “Torturatuek ere egia, justizia eta erreparazioa merezi dute”.
GKSk ere irakurketa kaleratu du, eta amnistia aldarrikatu dute: “Militantziarako eskubide politikoen defentsan berresten gara”. Zehaztu dute tortura erabili dutela “burgesiak eta bere menpeko gobernuek, batez ere langile mugimendu iraultzaileari aurre egiteko”. Ohartarazi dutenez, tortura “dominazio burgesaren berezko osagaia” da, eta burgesia prest dago “humanitatearen adierazpen guztiak alboratzeko ere”. Azpimarratu dute tortura ez dela soilik iraganeko auzia, baizik eta egungoa ere bai.
Aske Antolakundeak ere prentsaurrekoa eman du Intxaurrondoko kuartelaren parean, “bertan gertatutako ehunka tortura kasu gogorarazteko eta salatzeko”. Halaber, oraindik segitzen duten jazarpen kasuak salatu dituzte, eta ohartarazi dute indarrean daudela “jazotakoak berriro gertatzeko baldintzak”. Errepikatzea saihesteko, berretsi dute euskal estatu independente eta sozialistaren bidean borrokatuko dutela, eta amnistia galdegin dute, “Euskal Herri Langileak inolako jazarpenik ez pairatzeko berme bakarra” dela iritzi diotelako. Jakinarazi dutenez, Intxaurrondoko elkarretaratzearen ostean Ertzaintzak hiru kide identifikatu eta miatu ditu, Guardia Zibilak abisatuta.
Karpeta Urdinak egitasmoa
Larunbatean Intxaurrondon laurehundik gora torturatuk aitortza eta erreparaziorako “ekimen irmoak” eskatu zizkieten instituzioei. Ekitaldi horretan aurkeztu zuten Karpeta Urdinak egitasmoa: Torturaren Aurkako Egunean ekingo diote Karpeta Urdinak dokumentala aurkezteko birari, torturaren gaia gizarteratzeko. Zizurkilen izango da lehen saioa, astelehenean 18:00etan, eta Ander Iriarte zuzendariaren solasaldia izango da segidan. “Hasiera Zizurkilen ematea sinbolikoa eta hunkigarria da”, adierazi dute. Karpetaurdinak.eus atarian kontsultatu daiteke informazio guztia.
Egiari Zor elkarteak pozgarritzat hartu du Nazio Batuen Erakundeko Giza Eskubideen Batzordeak Espainiako Estatuaren indarkeriaz egin duen txostena. Elkarteak azpimarratu du txostenak Nafarroako Gobernuak eta Eusko Jaurlaritzak dokumentatutako 5.000 tortura salaketak balioan... [+]
Ondo jakina da Euskal Herriak bere buruaren jabe izateko beharrezko duen botere politikoa ukatua duela Espainia eta Frantziako estatuen aldetik. Euskal Herrian, bertan bizi, lan egin eta euskaldun izan nahi duen biztanleriari, herritar gisa bizi-proiektu duin eta ziurra garatu... [+]
Guillermo Garcia eta Ioseba Pagola “giza eskubideen urraketen biktima” izan zirela aitortu du gobernuak. Egiaren Garaia Da plataformak “positiboki” baloratu ditu beste bi aitortza hauek.
Beste 20 pertsonarekin batera, Guardia Zibilaren esku zegoenean pairatu zituen torturak aitortu dizkio Nafarroako Gobernuak. Urrats honetara heltzeko Torturatuen Saretik egindako lan kolektiboa azpimarratu du Euskalerria Irratian. Ziklo baten itxieratzat hartu du aitortza... [+]
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
1991n atxilotua izan zenean Espainiako Poliziak Bilboko Komisarian torturatu egin zuela salatu zuen Raul Fuentesek. Espainiako auzitegiek ez zuten salaketa aintzat hartu, besteak beste delitua preskribituta zegoelako. Orain, Nazio Batuen Erakundeko Torturaren Aurkako Batzordeak... [+]
Espainiako Auzitegi Nazionaleko fiskalak kasazio helegitea aurkeztuko du Auzitegi Gorenean, Guardia Zibilak eragindako torturak onartu eta Sorzabal errugabetu zuen epaiaren aurka. Sorzabalek bere burua autoinkulpatu zuen gutuna torturen ondorioz idatzi zuela ebatzi zuen Auzitegi... [+]
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
"Erantzukizun publikoa hartzeko ordua" dela esan du Euskal Herriko Torturatuen Sareak, Auzitegi Nazionalak Iratxe Sorzabal Guardia Zibilak torturatu zuela onartu eta horregatik errugabetu ostean. Eusko Jaurlaritzari eskatu dio EAEko aitortza eta erreparaziorako... [+]
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
Giza eskubideen urraketa horietan duten erantzukizuna aitortu gabe jarraitzen dutela seinalatu du koalizio subiranistak.
Larunbatean prentsaurreko bateratua eman dute Egiari Zor Fundazioak, Euskal Herriko Giza Eskubideen Behatokiak eta Iratxe Sorzabalen abokatu Aiert Larrartek. Ostegunean ezagutu zen sententzia mugarria dela adierazi dute hirurek. Larrartek adierazi du Estrasburgoko epaitegira... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.