EAJk pentsioen inguruko akordioa galarazi duela salatu du EH Bilduk
Espainiako Kongresuak astearte honetan bozkatu du EH Bilduk pentsioak igotzeko egindako proposamena. Ez du aurrera egin, Espainiako Gobernua osatzen duten bi alderdiek eta EAJk abstentziora jo ondoren. Koalizio subiranistak salatu du jeltzaleek oztopatu egin dutela PSOErekin eta UPrekin itxita zegoen akordioa proposamenaren zuzenketa transakzional bat onartzeko.
EAJk eta EH Bilduk Kongresuan dituzten talde parlamentarioek gaitzespen eta kritika ugari egin dizkiote elkarri astearte honetan, koalizio soberanistak gutxieneko pentsioen igoeraren alde aurkeztutako ekimen baten aurrean jeltzaleek hartu duten jarrera dela eta.
EH Bilduk pentsioei buruzko legez besteko proposamena eraman du Espainiako Kongresuaren osoko bilkurara, eta bozketak atzera bota du. Aldeko 24 boto baino ez ditu izan, horien artean ERCrenak eta EH Bildurenak. 167 abstentziorekin eta kontra agertu diren PP, Vox eta Cs-en botoekin proposamenak ez du aurrera egin.
Abstentzioa da PSOEk, Unidas Podemosek eta EAJk aukeratu duten aukera, zuzenketa transakzional bat adostu nahian arratsalde osoan negoziatu ostean. EH Bilduren arabera, akordioa lortua zegoen Espainiako Gobernua osatzen duten bi alderdien eta koalizio soberanistaren artean, baina EAJk ez du zuzenketa transakzional horren inguruko bozketa egiten utzi. "EAJren ezezko ulertezina" deitoratu du EH Bilduk. Jarrera hori "pentsiodunen eskubideak zabaltzearen" aurkakoa dela ere gaineratu du.
EH Bilduren bertsioari jarraiki, bertan behera geratu den zuzenketak planteatzen zuen gutxieneko pentsioak eta kotizazio gabeko pentsioak igotzea Europako Gutun Sozialaren irizpideen arabera. Era berean, "Gizarte Segurantzaren erregimen ekonomikoa euskal erakundeei transferitzeko" Espainiako Gobernuaren "konpromisoa" ezartzen zuen, baina EAJk "interes alderdikoiei" eman die lehentasuna koalizioaren arabera.
Aitor Esteban Espainiako Kongresuko jeltzaleen bozeramaileak azpimarratu du apirilaren 5ean egingo diren EAEko hauteskundeei begira egindako mugimendua dela EH Bildurena. Bere ustez, koalizioak "elektoralismoa" egin du astearte honetako proposamenarekin, "pentsio sistemaren iraunkortasuna eta pentsiodunak bezain gai delikatuarekin".
EAJko bozeramailearentzat, EH Bilduk auzitan eta "arriskuan" jarri du Gizarte Segurantzaren erregimen ekonomikoaren transferentzia. Kongresuko osoko bilkuran egindako eztabaidan gaineratu duenez, soberanistek baldar jokatu dute, dagoeneko Gernikako Estatutuan jasotako printzipioetako bat defendatu duelako: "Estatutuan dagoen eskubide bat ez da ganbera honetan bozkatzen", esan du Estebanek, transferentzia hori Estatuko eta EAEko administrazioen arteko elkarrizketan bideratuta dagoela gogoratu aurretik.
Euskal Herriko Pentsiodunen Mugimenduak lau hilabetetako kanpainan lortu du 140.000 herritarren babesa. Herri Ekimen Legegilea maiatzaren 15ean aurkeztuko du Eusko Legebiltzarrean. Pentsio duinak eta gutxieneko soldata besteko pentsioak eskatu ditu mugimenduak.
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
Euskal Herriko Pentsiodunen Mugimenduak herri ekimen legegilea aurkeztuko du Gasteizko ganberan. Apirilaren 24ra arteko epea ipini dute sinadura gehiago biltzeko, eta dei egin diete Araba, Bizkaia eta Gipuzkoan erroldatutako 18 urtetik gorako pertsona guztiei. Hiru... [+]
Erretiroa hartu berri dutenen %4,9k uztartu behar dituzte pentsioa eta lanen bat Espainiako Estatuan. Estonian %55 dira.
Urtarrilaren 1etik aurrera pentsioak %0,9 handituko ditu Frantziako Gobernuak, hasiera batean iragarri baino lehenago, 2025eko uztailera arte ez baitzuen asmorik pentsioak igotzeko, 4.000 milioi aurreztea helburu.
Espainiako Estatuan egindako ikerketa baten arabera, erretiro-adina atzeratzeak ondorio kaltegarriak dakartza, ez bakarrik lehenago hiltzeko arriskua duen langilearentzat berarentzat, baita diru-kutxa publikoarentzat ere: 8.564 eurotan baloraturiko galera soziala izango luke... [+]
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]
Astelehenean Bilbotik eta Bergaratik abiatu dira, eta asteartean Agurainetik. Ostegunean Gasteizen batuko dira hiru mobilizazioak.