EAEn 'fracking'-a abiarazteko urrats berriak egin ditu Jaurlaritzak: zundaketak baimendu Bizkaia eta Gipuzkoan

  • Eusko Jaurlaritzak baimena eman du Bizkaia eta Gipuzkoako 1.300 kilometro koadrotan zehar lurpean egon daitezkeen erregaien bilaketan ikerlan eta zundaketak egiteko. Zundaketa lanetan "fracking" teknika erabiliko ez dela aipatu den arren, zundaketa berriok dira urrats garrantzitsu bat Ibarretxeren garaietatik teknika horrekin hidrokarburoak ustiatzeko Jaurlaritzak egindako apustua aurrera eramateko.

Pello Zubiria Kamino @pellozubiria
2018ko urriaren 17a
Wikipediatik hartutako irudian, 'fracking' ustiaketa proiektuak Euskal Herrian, tartean Eusko Jaurlaritzak baimendutako Lorea, Sustraia eta Landarre eremuak.

Urriaren 9an onartu du 142/2018 dekretua Eusko Jaurlaritzak, justu Nazio Batuen Erakundearen aditu taldeak klima aldaketari erremedioa jartzeko epea agortzen ari dela ohartarazi zuen egunetan. Erregai fosilen ustiatze eta kontsumoa murriztu beharra datza hondamendia saihesteko derrigorrrezko neurrien muinean. Aldiz, Euskal Autonomia Erkidegoko agintariek hiru eremu berritan hidrokarburoak bilatzeko baimena eman diete 2011n hori eskatu zuten konpainiei, asteartean –urriak 16– Euskal Herriko Agintaritzaren Aldizkariak plazaratu zuenez Iñigo Urkullu lehendakariaren eta Arantxa Tapiaren sinadurekin.

EAEko SHESA Sociedad de Hidrocarburos de Euskadi SA konpainia publikoa eta Petrichor Euskadi Coöperatief –Petrichor Energy iparramerikarraren adarra– dira zundaketak Bizkaia eta Gipuzkoako –eta Arabako eremu txiki bateko– 1.300 kilometro koadrotan burutu ahal izango dituztenak, dekretuan irakur daitekeenez, eta Heyco Energy konpainia estatubatuarraren ardurapean arituko dira, Berria egunkariaren arabera.

Konpainiok 2011n lau eremutan eskua sartzeko baimena eskatu bazuten, dekretuan horietatik hiru hartu dizkie ontzat: Bizkaia erdian dagoen Lore, Gipuzkoaren bihotzean dagoen Landarre eta bi lurraldeetan zabaltzen den Sustraia. Eremu berriokin osatzen du erregaien industriak EAEko maia. Ez da, beraz, zundaketok baimendu diren lehen aldia baina berezia da zabaltzeko hautatutako unea.

2017ko ekainean onartu zuen Eusko Legebiltzarrak lurpetik erregaiak haustura hidraulikoaren bidez ateratzea galerazten zuen legea. Aurretik, 100.000 lagunek sinatuta iritsi zen herri-ekimen legegilea EAEko parlamentura. 2018ko urtarrilean, ordea, Espainiako Auzitegi Konstituzionalak legearen zatiak baliogabetu zituen. Hilabete beranduago, Iñigo Ansola Energiaren Euskal Erakundearen eta SHESAko buruak Arabako Armentia 2 eremuan zundaketak egiteko asmoa azaldu zuen, eta hala egin ere udara bitartean.

Urriaren 9an Jaurlaritzak onartu eta asteartean ezagututako dekretua itu garrantzitsutzat bilduko du fracking gasaren Euskal Herriko historiak.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Frackingaren arriskua  |  Kutsadura kimikoa

Frackingaren arriskua kanaletik interesatuko zaizu...
Langileek sortzen duten aberastasunaren ia %40 enpresarien poltsikora doa

Orkestraren azken txostenak hainbat datu azpimarragarri dakartza enplegu munduari buruz; bestetik, Bizkaiko ekitaldi eta negozio erraldoi handiei lupa jarriko diegu, Pello Zubiria Argiako kazetariak frackingaren egoera EAEn aztertu du.


Lau ekintzaile espetxeratu dituzte Ingalaterran, frackingaren makinaria zeramaten kamioietara igo zirelako

Frackingaren aurkako lau ekintzaile espetxeratu dituzte irailaren 25ean, frackingerako lurra zulatzeko makinaria garraiatzen ari ziren kamioietara igo eta beren lana oztopatzeagatik, The Guardian egunkariak jaso duenez.


2018-06-20 | Hala Bedi
Armentia 2 putzuan Eusko Jaurlaritzak gasa ateratzeko asmoa duela eman du jakitera Berriztuk

“Eusko Jaurlaritzak dituen asmoak argi geratu zaizkigu berriz ere: euskal lurraldea putzuz betetzea, gas ez-konbentzionala ateratzeko”, salatu du Berriztu Araba!-k. Datozen asteetarako hainbat ekimen antolatu dituzte.


2018-06-19 | Arabako Alea
Subilla Gasteizko zundaketek 163 egun iraungo dute

Fracking-aren bitartez gasa ustiatzeko egitasmoaren aurkako alegazioen berri emango du bihar Berriztu Araba taldeak.


Pauso bat gehiago frackingaren alde

Espainiako Konstituzio Auzitegiak Euskal Herriko frackingaren aurkako legea baliogabetu zuen urtarrilean, eta asteazkenean gas perforazioaren Armentia 2 proiektua berrartu duela jakinarazi du Energiaren Euskal Erakundeko zuzendari Iñigo Ansolak, Eusko Legebiltzarreko batzordean.


Frackingarekin aurrera jarraituko duen edo ez argitzeko eskatu diote Jaurlaritzari

Konstituzionalak frackinga mugatzen zuen EAEko legea aldarazi ondoren, Fracking Ez eta Berriztu taldeek Eusko Jaurlaritzari eskatu diote argitzeko "lurraldea zulatzeko asmoa duen edo ez".


2018-01-31 | ARGIA
Frackingaren aurkako EAEko legearen zati bat baliogabetu du Espainiako Auzitegi Konstituzionalak

Espainiako Auzitegi Konstituzionalak baliogabe utzi ditu EAEko frackingaren aurkak legearen artikulu batzuk. Espainiako Gobernuaren helegitearen ondorioa da erabakia.


Errekaleor, frackinga eta energia berriztagarriak

Fracking hitza lehenengo aldiz entzun genuenean, ezer gutxi genekien gaur egungo krisi energetikoaren inguruan astakeri hori gelditzeko geroago borrokan parte hartu genuenok. Gasa, ikatza, unanio eta petroleoaren gailurra izen arrotzak ziren guretzako, askoz jota belarria jotzen ziguten, baina ez genekien zehatz mehatz zeintzuk izango ziren frackingaren ondorioak.


2017-06-14 | Arabako Alea
Armentia-2 putzua ustiatzeko lehiaketa bertan behera utzi dute

"Interes orokorreko" arrazoiak aipatu dituzte agirian.


2017-04-02 | Unai Brea
Armentia-2 proiektua
Frackinga albo batera utzita ere, gasa jomugan du Jaurlaritzak

Iazko urrian jakin zen Eusko Jaurlaritza, SHESA sozietatearen bitartez, baimena tramitatzen ari dela gas putzu bat irekitzeko Subilla Gasteizen, hainbat urtez fracking bidez zulaketa egin nahi izan zen lekuan bertan. Haustura hidraulikoa legeak baztertu duen honetan, eztabaida beste esparru batzuetara lerratu da dagoeneko. Batez ere galdera honetara: onargarria da gasa bilatzeko diru publikoa inbertitzea?


Azkenak
EGILEA
Eguneraketa berriak daude