2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna ikertzeko izendatutako aditu taldea ondorio horretara iritsi denean.
Pohang lurrikarak 5.4-ko maila eman zuen Richter eskalan eta haren ondorioz hildakorik gertatu ez arren ziento bat zauritu eragin zituen eta kalte material handiak aipatu herriotako etxebizitza, eraikin publiko eta bestelako azpiegituretan. Koreak garai modernoetan bizi izan dituen lurrikaretan bigarren bortitzena izan zen Pohang.
2018tik aditu askok adierazten zituzten beren susmoak fracking operazioak zirelakoan lurrikara horren errudunak. Orain Seuleko gobernuak izendatutako jakintsuek berretsi dute hipotesia, AFP agentzia bi zabalduta zenbait hedabidek jakinarazi dutenez. Aipatu geotermia plantak ez darabil izen bereko beste planta gehienek darabilten teknologia, fracking-arena baizik: presio handiak injektatzen du ura lurpera, hondoko geruzetako harria lehertzeko eta honek "maila txikiko aktibitate sismikoa eragin du", ikerlari taldearen buru izan den Lee Kang-kun-en hitzetan. "Denborak aurrera egin ahala, honek eragin du Pohang hirian lurrikara lehertzea. Guk ondorioztatu dugunez, Pohang lurrikara gizakiak eragindako lurrikara izan da, ez da izan naturak berez eragina".
Pohang eskualdeko hainbat biztanlek adierazi dute gobernua auzitara eramango dutela lurrikaragatik, eta gobernuak berriz publikoki azaldu du benetan sentitzen duela gertatua. Geotermia planta itxita eduki dute ikerketen zirauten bitartean eta orain "betirako geldituko dugu", adierazi du Komertzio, Industria eta Energia ministroak. 2016an abian jarritako instalazioak 71 milioi dolar kostatu ziren.
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]