Gasteizen gasa esploratzeko helegiteari eutsi dio Eusko Jaurlaritzak

  • Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.

Artikulu hau CC BY-SA 3.0 lizentziari esker ekarri dugu.

2021eko abuztuaren 27an - 09:23
Azken eguneraketa: 11:24
Armentia-2 putzua, Subilla Gasteizen. Irudia: Irekia
Zure babesik gabe independetzia ezinezkoa zaigu

Ostegun honetan El Correo egunkariak argitaratu duenez, Eusko Jaurlaritzak ez dio uko egin Subilla Gasteizko Armentia-2 putzuan gasa ote dagoen esploratzeko aukerari. Izan ere, apirilaren 10ean gasa ustiatzea "erabat" baztertu zuen arren, jarduera-lizentzia lortzeko Gasteizko Udalaren aurka aurkeztutako helegiteak administrazioarekiko auzien 3. aretoan jarraitzen du oraindik, ebazpenaren zain.

Eusko Jaurlaritzako iturriek El Correo egunkariari azaldu diotenez, SHESA hidrokarburoen sozietate publikoak "ezin ditu alde batera utzi bere ondare-eskubideak" Gasteizko Subilla putzuari dagokionez. Horrela, Ingurumen Ministerioak 2019an eman zion ingurumen adierazpena baliatu nahi du SHESAk miaketa ahalbidetzeko, eta baimen horrek Gasteizko hirigintza araudiarekiko "bateraezintasuna" konponduko lukeen jakiteko.

Nolanahi ere, Klima Aldaketaren Lege berriak lur azpiko baliabideak esploratzea eta ustiatzea debekatzen du, baita energia berriztagarrien aldeko apustua egitera behartu ere. Gaur egun, Gasteizko Hiri Antolamenduko Plan Orokorrak (HAPO) ere jarduera hori debekatu egiten du.

Polemika handia piztu zuen auziak, baina azkenean EAJ bakarrik gelditu zen proiektuaren defentsan, oposizio osoa —baita PSE gobernukidea ere— horren aurka lerrokatu ostean.

EH Bildu eta Eguzkiren kritikak

Garapen Ekonomiko, Iraunkortasun eta Ingurumen Saileko iturriek ustiapenak "baztertuta" jarraitzen duela azpimarratu duten arren, EH Bilduk helegite judiziala "berehala" kentzeko eskatu dio Eusko Jaurlaritzari. "Hidrokarburoak ustiatzeko garaia historiara pasatu behar da. EAJ bakarrik geratu da, eta aurrera egiten jarraitzen du, ororen eta guztion aurka. Gasean oinarritutako energia politika amaitu dela onartu behar du", adierazi du Mikel Otero legebiltzarkideak.

EH Bilduk iragarri du Eusko Legebiltzarrean interpelazio bat aurkeztuko duela, baita azalpenak eskatzeko galdera bat Gasteizko Udalean. Talde subiranistaren ustez, "irtenbide bakarra dago: hidrokarburoen obsesioa bertan behera uztea eta ahalik eta azkarren trantsizio energetiko justu, planifikatu eta adostu baten alde egitea behin betiko, lurraldea ahalik eta epe laburrenean deskarbonizatzeko 2050a baino lehen".

Bere aldetik, Eguzki talde ekologistak gasaren erauzketari eta "baimenak judizializatzeari" uko egitea eskatu dio Eusko Jaurlaritzari. Halaber, Udalari eskatu dio "lurraldea blindatzeko hirigintza tresnen eta lizentziei buruzko irizpide tresnen bidez, bere gaitasunaren barruan eta horri buruzko alegazioetan azaldutakoarekin bat etorriz".


Kanal honetatik interesatuko zaizu: Ingurumena
Plastikoaren kutsadura mugatzeko itun baten negoziaketan ari dira NBEko herrialdeak Genevan

Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.


Kontrolpean dute Nafarroako baso sutea, eta gobernuak suteak saihesteko neurriak hartu ditu

Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari. 


2025-08-05 | El Salto-Hordago
Plastikoak eragindako kutsadurak 1,3 bilioi euroko osasun gastuak eragiten ditu

The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.


Auzo ibilbideak (II)
Egia: aldapa alai bat

Donostiako hirigunetik Urumeak banandua, nekazaritza eremu zabala zen Egia: Nabarrizene, Txurkoene, Mikelaene, Polloene...  70 baserri baino gehiago zeudela uste da. Trenbidearen etorrerak beste destino petral bat ekarri zien lur horiei, ordea: zerbitzuetarako eta... [+]


2025-08-01 | Nagore Legarreta
Ibaiak begirada itzuli zigunekoa

Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]


Basabizitza
Bidaia bat hartzaren atzetik

Ekainak bost ditu gaur; udara atarian gaude eta giroak badaki. 15:00ak dira, sorbeltz saldoa aztoratuta dabil, udara beteko zeruan, kirrinka batean, eltxoak ehizatzen. Azpitik Ibaik erreparatu die sorbeltzei, eta tartean dauden enara azpizuriei; gorde ditu basozain arropak,... [+]


Bizkaiko Golkoa ia bi aldiz azkarrago ari da berotzen munduko batez bestekoa baino

Naturklima fundazioak kaleratutako Itsasoko eta kostako txostena-k argitara eman ditu klima aldaketa euskal kostaldean izaten ari den ondorioak: Bizkaiko Golkoko uren tenperatuta 0,22 gradu igo da hamarkada bakoitzean, 1981tik 2023ra, munduko uren tenperaturen batez besteko... [+]


2025-07-30 | Sukar Horia
Dominatzaile pobreak

Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]


Eskuz eta banaka

Udan, Sargazoen itsasoan (Ipar Amerikako ekialdean) eme bakoitzak 2-3 milioi arrautza askatuko ditu. Baten batek bizirauterik badu, bi hilabeteren baitan ekialderantz igerian hasi eta urte erdi izaterako Azore uharteetara helduko da. Bertan elikatu eta haziko da, urtebeterekin,... [+]


2025-07-28 | Garazi Zabaleta
Udako azoka ekologikoak
Aurtengo hamabi plazak

Urtero bezala, aurtengoan ere martxan dira Araban, Bizkaian eta Gipuzkoan Udako Azoka Ekologikoak. Euskadiko Nekazaritza eta Elikadura Ekologikoaren Kontseiluak antolatzen ditu azokak, Gipuzkoako Biolurrekin, Bizkaiko Ekolurrekin eta Arabako Bionekazaritza elkarteekin batera... [+]


2025-07-28 | Jakoba Errekondo
Harroputzetik artaputzera

Gabezia, pobrezia eta erromestasuna orokortu ziren. Euskal Herri atlantikoa harropuzkeriaren ur gaineko bitsetan bizi zen. Itsasoz haraindiko merkataritzak, arrantzak eta estraperloak gure iparralde osoko jendartea aberasten zuten. XVI-XVIII mendeak ziren. Meatzariak,... [+]


Sendabelarrak oliotan

Sendabelarra oliotan beratzeaz ariko gara baina ukendurik egin gabe. Bai, arraroa dirudi baina sendabelar freskoak oliotan beratu, iragazi eta erle argizaria ipinita ukendua egiten ikasi duenari olioarekin beste era batera lan egitea badagoela esan nahi nioke. Oleato edo olio... [+]


Honezkero, hemen dago beherakada

Antropologo eta ingeniaria den Yayo Herrerok dioen bezala, datu bat da. Horren jatorria ulertzeko erraza den baieztapen xume batean laburbil daiteke: Lurra agortzen ari da.

Gaia konplexua da. Ikuspegi asko daude, interesak gurutzatzen dira, informazioa desinformazioarekin... [+]


Eguneraketa berriak daude