Frackingaren aurkako ekintzaileentzat, Ineos (Sky) txirrindulari taldearen jabea "deabrua" da
Sky txirrindulari talde britainiarra INEOS konpainia petrokimikoak erosi duela-eta, haserrea agertu du hainbat talde ekologistak, frackingaren aurkako kolektiboek tartean. Yorkshireko Itzulian protestak egingo dituztela iragarri dute.
Frack Free United sareko ordezkari Steve Masonek jakinarazi duenez, manifestarien artean INEOS enpresako jabe Jim Ratcliffe magnatearen 15.000 maskara banatuko dituzte, buruan deabru adarrak dituztenak. "Lasterketa baliatu nahi dugu kontzientziak astintzeko; ez dugu probaren aurka egin nahi, baizik eta Ineos talde berriaren atzean dagoena azaleratu", adierazi du Masonek, Cyclingnews webgunean irakurri daitekeenez: "Ineos zer den erakutsi nahi dugu, Yorkshireko lurrak zulatzen utziz gero zein inpaktu izango lukeen azaldu. Lotsagarria da Ratcliffek kirola baliatzea erregai fosilen irudia garbitzeko".
Zentzu berean mintzatu da Oil Change International erakunde ekologista. Txirrindulari taldea babestuta, Ineosek "garbiketa berdea" egin nahi duela salatu du. Hainbat kolektibok gogorarazi du aurreko denboraldian Sky taldeak ozeanoetan pilatzen den plastiko kopuruaren aurkako kanpainarekin bat egin zuela, eta hain justu, Ineos dela plastiko ekoizlerik handienetakoa Europan.
Yorkshireko Itzulia datorren ostegunean (maiatzaren 2an) hasiko da.
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]