ARGIA.eus

2021eko irailaren 28a

Ingurumena > Kutsadura > Kutsadura kimikoa

“Arto indigena babesteko” eta “elikadura burujabetzaren alde”  hartu zuen Mexikoko Gobernuak arto transgenikoen ekoizpena eta inportazioa baita glifosatoa deitu herbizida ere debekatzeko erabakia 2020ko abenduaren 31n. Orduz geroztik, atzera eginarazteko presioak ez dira gutxitu agroindustriako lobbyen eta AEBetako Estatu Federalaren partetik. Besteak beste, debeku hauek merkataritza librearen aldeko itunen kontra doazela diote agroindustriako multinazional zein... [+]

2020-08-10 | Mikel Eizagirre
Marea beltza eragin du erregaiz betetako itsasontzi batek Maurizio uharteetako arrezifeetan

Egoera kritikoa da eta ia 4.000 tona erregai daramatzan MV Wakashioa itsasontzia ez ote den guztiz hautsiko beldur dira.


2020-06-23 | Usurbilgo Noaua
Usurbilgo udalean Ucin S.A. enpresaren kutsadurak salatu ditu Anerreka elkarteak

Hiru urtez Ucin lantegiko teilatutik tratatu gabeko emisioak dituela salatzen egon ostean, urrats berri bat eman du Anerreka Ingurumen Elkarteak. NOAUA!ri aditzera eman dionez, "herritarrek ofizialki ere salaketa jarri dute" eta salaketok Udalaren esku jarri dituzte. Teilatuaren itxierarekin batera, lantegiaren jarduera lizentzia eguneratzea eta eguneraketa horretan Europak gai honetan duen araudia txertatzea eskatzen die Anerrekak Udalari eta Eusko Jaurlaritzari.


2020-05-16 | Zero Zabor
Erraustegiaren arduradunek ez zieten ikuskatzera sartzen utzi nahi arrainen pozoiketa ikertzen ari zirenei

GuraSOS elkarteak salatu duenez, Arkaitzerrekan hilda agertu ziren arrainen pozoiketa ikertzen ari ziren funtzionarioei –URA agentziaren ikuskatzaile bat eta basozaina– Zubietako erraustegiko arduradunek ez zieten instalazioak eta inguruak begiratzera sartzen utzi, horrela galduz ikerketa lehen unean burutu ahal izatea. Elkarteak Jose Ignacio Asensio diputatuaren dimisioa eskatu du eta URA agentziari eskatu dio Asensiok erakunde horretan daukan interes gatazka aztertu dezala.


2020-04-29 | Zero Zabor
Katalunian hondakin sanitarioak erraustea Estatuko Fiskal Nagusiaren aurrean salatuko dute

Mataró Terra Verda erakunde ekologistak Kataluniako Ingurumen Fiskaltzan eta Estatuko Fiskal Nagusiaren aurrean kereila kriminalak aurkeztuko ditu Mataroko erraustegian erretzen ari direlako hondakin sanitarioak, Osasunaren Mundu Erakundearen (OME) jarraibideak urratuz.


2020-01-15 | ARGIA
Tarragonako petrokimikako leherketak bi pertsona hil eta zortzi zauritu ditu

Goizaldean aurkiturik falta zen langilearen gorpua, orain artean bi dira Tarragonako (Herrialde Katalanak) Industrias Quimicas del Óxido de Etileno S.A. (IQOXE) lantegian astearte arratsaldean jazotako leherketagatik hildakoak. Bigarrena fabrikatik ia hiru kilometrora harrapatu zuen eztandak aireratutako 800 kiloko xafla batek. Horiez gain, zortzi pertsona daude zaurituta, horietatik bi larri.


2020-01-15 | Estitxu Eizagirre
Martinika uhartea pestiziden aurka altxa da minbizia kasuak biderkatu baitira

Martinika uharteko banana plantazioetan chlordécone (frantsesez) pestizida erabili zuten 1972tik 1993ra. Lurrak kutsatu eta prostatako minbizia kasuak areagotu dituela salatzen du chlordéconearen aurkako mugimenduak. Zazpi ekintzaileren aurkako epaiketaren testuinguruan enfrentamenduak egon dira Fort-de-France hirian urtarrilaren 13an pestizidaren aurkako manifestarien eta poliziaren artean. Epaiketa ekainaren 3ra atzeratu da istiluen ondorioz.


2019-10-23 | ARGIA
Gizakien ugalketarako kaltegarria delako, intsektizida bat debekatu nahi dute Europako estatuek

Tiacolprid substantzia aktiboa giza-ugalketarentzat toxikoa dela ikusita, haren erabilera debekatzeko eskatu dute Europako estatuek, Elikagaien Segurtasunerako Europako Agintaritzak adierazitako bidetik.


2019-10-02 | ARGIA
Sute izugarria Rouengo (Frantzia) Lubrizol petrokimikan: baserritarrei debekatu diete esne, barazki eta arrautzak saltzea

Jacques Chirac lehendakari-ohiaren heriotza eta hiletak estali dute Paristik 80 kilometrora Rouen hirian gertatu den istripu kimiko izugarria: autoentzako aditiboak ekoizten zituen Lubrizol konpainiaren usinak su hartu zuen irailaren 26an, instalazioak oso hurbil dauzkaten hiritarrak ikaratu eta oraindik neurria hartu ez zaion kutsadura zabalduz inguru osoan. Kilometro askotara iritsi dira ke eta errautsak eta nekazari asko harrapatu ditu kutsadurak: agintariek debekatu diete beren ekoizpenak... [+]


Alemaniak ere glifosatoa debekatuko duela iragarri du, Monsantoren pestizida pozoitsua

2023ko abenduaren 31rako glifosatoa erabiltzea debekaturik egongo da herrialde germaniarrean. Austria izan zen Europar Batasuneko lehen herrialdea herbizida kimikoari ateak ixten, joan den uztailean.


Glifosato herbizida debekatu duen lehen Europar Batasuneko herrialdea da Austria

Austria glifosatoa debekatu duen Europar Batasuneko lehen herrialdea da. Alderdi sozialdemokrataren iniziatibaz onartu da neurria, eta FPÖ alderdi ultraeskuindarraren, liberalen eta Jetz alderdi progresistaren aldeko bozek lagundu dute onartua izateko.