EAEn ostegun honetatik aurrera derrigorrezkoa da musukoa jantzita eramatea
Nekane Murga Osasun sailburuak eguneroko prentsaurrekoan eman du berria: EAEn ostegunetik bertatik, uztailak 16, derrigorrezkoa izango da musukoa jantzita eramatea gune publiko guztietan, kalean bezala komertzio edo ostatuetan. Nafarroan biharamunean egongo da indarrean neurri bera.
Nekane Murgak eguerdi oroko prentsaurrekoan berretsi du atzo iradokitakoa, maskararen erabilera derrigortzea aztertzen ari zela Eusko Jaurlaritza, eta askoren ezusterako 24 orduko epean indarrean jarriko dela iragarri du: EAEn musukoa erabiltzea derrigorrezkoa izango da kalean eta espazio publiko itxietan, "pertsonen arteko distantzia edozein izanda ere".
Ostalaritzan, taberna, jatetxe eta elkarte gastronomikoetan musukoa erantzi ahal izango da soilik jan edo edateko unean, beste une orotan jantzida eduki beharko da. Gainera, mahai baten inguruan gehienez ere 10 pertsona egon ahalko dira, barruan bezala kanpoan.
Hondartzetan eta igerilekuetan ere maskara erabiltzea derrigorrezkoa izango da joan-etorrietan, soilik kendu ahal izango da etzatean edo esertzerakoan, eta hau ere pertsonen artean metro eta erdiko tartea gordeta eta maskararik gabeak elkarbizitza unitate bereko pertsonak izatekotan.
Hori guztia EAEn izango da derrigorrezkoa eta Nafarroan antzeko araua izango da indarrean biharamunean.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.