Euskal Autonomia Erkidegoko herritar bakoitzak batez beste 77 euro gastatuko ditu Gabonetako Loterian aurten; orotara, 173 milioi euro. Zifra ofizialak oraindik jakin ez diren arren, horiek dira Espainiako Estatuko loteria eta apustuen erakundeak autonomia erkidegoan saltzea aurreikusi duena.

Bizkaian jokatuko dute diru gehien: 93,37 euro pertsonako. Atzetik, gipuzkoar bakoitzak 61,86 euro gastatuko ditu, eta arabarrak 56,61 euro, Deia-k jaso duenez. Espainiako Estatuan, biztanle bakoitzak batez beste 69 euro jokatuko ditu aurten.

Iaz, EAEn herritar bakoitzak 70,82 euro gastatu zituen; 157,2 milioi guztira. 2020an Gabonetako Loterian jokatutakoa baino %10 gehiago da.