EAEkoak diren preso guztiak gerturatzeko eskatu dio Jaurlaritzak Espainiako Gobernuari

  • Eusko Jaurlaritzak Espainiako Gobernuari idatziz eskatu dio EAEkoak diren preso guztiak bertako kartzeletara ekartzeko. 327 preso izango lirateke, Eusko Legebiltzarrak egindako txostenaren arabera. Jonan Fernandez Jaurlaritzako Giza Eskubide, Elkarbizitza eta Kooperaziorako idazkari nagusiak baieztatu du eskaria astearte honetan.


2020ko maiatzaren 26an - 12:21
Jonan Fernandez Radio Euskadin.

Maiatzaren 11n EH Bilduk,  EAJk, UPk, ERCk, JxCatek, Más Paísek, CUPek, BNGk eta Compromisek eskari bateratua egin zuten Espainiako Kognresuan preso dauden pertsonentzat bestelako neurriak eskatuz, kaleratzea edo hurbiltzea, besteak beste. Orain berriz, Eusko Jaurlaritzak Espainiako Gobernuari eskatu dio EAEkoak diren presoak euren etxetik gertuen dauden espetxeetara ekartzeko.

Jonan Fernandez Jaurlaritzako Giza Eskubide, Elkarbizitza eta Kooperaziorako idazkari nagusiak baieztadu du berria: idatziz eskatu diote Pedro Sanchezen exekutiboari Araba, Bizkaia eta Gipuzkoako presoen hurbiltzea. 327 pertsona dira, horietatik 200 baino zertxobait gutxiago Euskal Preso Politikoen Kolektibokoak (EPPK).

Espainiako Gobernuari egindako eskarian, COVID-19ak eragindako egoera berria azpimarratu du Jaurlaritzak, osasun-larrialdia hainbat hilabetez luzatuko dela kontuan izanda presoek eta haien senideek lehen baino are zailtasun handiagoak bizitzen ari baitira.

Astearte goizean Radio Euskadin egindako elkarrizketan Fernandezek azaldu du EAEtik kanpoko kartzeletan dauden preso horien familiek kilometro asko egin behar dute euren senideak ikusteko. "Testuinguru normal batean ere zalantzan jartzeko moduko zerbait da eta osasun publikoaren ikuspegitik ez da batere gomendagarria pandemiaren eta pandemia-ostearen testuinguru batean", Fernandezen arabera.

Basaurin, Martutenen eta Zaballan bilduko lirateke EAEra hurbildutako presoak, Espainiako Gobernuak Jaurlaritzaren eskariari men egingo balio.

 


Kanal honetatik interesatuko zaizu: Euskal preso politikoak
'Bi arnas' proiektuaren ziklo amaiera ospatu dute
"Torturak ama eta alabarengan sorturiko zauria arintzen lagundu du dokumentalak"

Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]


54 urteko espetxe eskaera sei pertsonarentzat presoen ongi etorriak antolatzea egotzita

Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.


Presoen Euskara Irakasleen Taldeak agur esan du

Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.


2024-04-24 | Estitxu Eizagirre
'Zenbat lo' liburua aurkeztu dute Asteasun
Kartzelako hormak zeharkatzen dituen ama-alaben arteko harremana hitz eta iruditara eramana

Nekane Txapartegi Suitzako kartzela barrutik eta alaba kanpotik, elkarri hamaika modutara maitasun mezuak helarazten. Horra Txalaparta argitaletxeko Zenbat lo liburuak jaso duen historia, Iraitz Lizarragaren hitzetan eta Izaro Lizarragaren ilustrazioetan. Iragan hurbileko... [+]


Eguneraketa berriak daude