Ohar baten bidez iragarri du erabakia legebiltzarrak: “Egungo soldata eta ordainsarien araudiarekin bat etorriz, Gasteizko Parlamentuko Mahaiak onartzen du parlamentariei soilik beharrezko gastuetarako soldata-sistema ezartzea, Eusko Jaurlaritzako kontseilariek daukatena bezalakoa”. Erabakia, hala ere, Lege-Batzordeak eztabaidatu eta onartu zain dago oraindik.

Oharra jaso ostean prentsaren aurrean agertu da Juanjo Agirrezabala EH Bilduko parlamentaria, eta adierazi du begi onez ikusten duela erabakia, naiz.infok argitaratu duenez: “honek politikarien gainsoldatarekin amaitzeko eta diru publikoaren erabilera gardena bermatzeko aurrerapauso bat eman dela esan nahi du”.

Agirrezabalak deitoratu du, ordea, gainontzeko politikari taldeek gastuentzako mugarik jarri ez izana, EH Bilduk eskatu bezala. Jaurlaritzako goi-karguek, izan ere, ez dute koalizioak eskatutakoa bete, eta orain arteko soldataz gaindiko ordainsariak kobratzen jarraituko dute.