EAEko Auzitegi Nagusiak atzera bota du COVID ziurtagiriaren erabilera
Jaurlaritzak proposatutako neurriak oinarrizko eskubideak urratzen dituela dio epaitegiak. Luis Garrido presidenteak boto partikularra eman du, ziurtagiria onartzearen alde. Espainiako Auzitegi Gorenean helegitea aurkezteko aukera du Jaurlaritzak.
Araba, Bizkaia eta Gipuzkoako Auzitegi Nagusiak ez du baimenik eman COVID ziurtagiria indarrean jartzeko. Hiru epaileetatik bik babestu dute erabakia, José Antonio González Saizek eta Irene Rodríguez del Nozalek. Auzitegiko presidente Luis Garridok, aldiz, ziurtagiriaren aldeko boto partikularra aurkeztu du. Iragan astean, Auzitegi Nagusiko Fiskaltzak babesa adierazi zion neurriari.
Intzidentzia-tasa 150 kasutik gora dagoen herrietan ezarri nahi zuen COVID ziurtagiria Eusko Jaurlaritzak. 50 pertsona baino gehiagoko edukiera duten jatetxeetan, aisialdi eta dantza aretoetan, tabernetan edo ikuskizun kulturaletan aurkeztu beharko litzateke, besteak beste. Urkulluren gobernuak Espainiako Auzitegi Gorenean aurkeztu dezake helegitea, ebazpena jasotzen duenetik hiru eguneko epean.
Auzitegiaren argudioak
Ziurtagiria ez onartzeko eman dituen arrazoien artean, nagusiena oinarrizko eskubideei eragiten diela da: Jaurlaritzak bere eskaeran aipatzen zituen “berdintasun” eta “intimitate” eskubideei ez ezik, biltzekoari edo mugitzekoari ere. “Laudagarriak izanik ere, helburuak ez ditu bitartekoak justifikatzen Zuzenbide Estatu batean bizi garenean”, dio ebazpenak.
Horrez gain, Jaurlaritzaren eskaeran hutsuneak eta kontraesanak daudela dio auzitegiaren sententziak. Espazio jakin batean sartzeko herritarrei oro har ziurtagiria eskatzea eta aldiz langileek behar ez izatea “inkongruentzia” da epaiaren arabera. Azpimarratu du ere Jaurlaritzak 12 urtetik beherako haurrak jotzen dituela egungo kutsatzaile nagusitzat, txertatu gabe daudenak, baina ez dela inongo murrizketarik proposatu beraientzat.
Erreakzioak
Eusko Jaurlaritzako Osasun Sailak asteleheneko arratsaldean epaiaren inguruko iritzia emango duela espero da. Bitartean, Gasteizko alkate eta Eudeleko presidente Gorka Urtaranek mezua zabaldu du sare sozialetan: “Ulertezina. Kutsatzeak murriztea eta osasun-presioa arintzea du helburu, bizitzak salbatzeko. Europa erdian aplikatzen da. Euskadin, Euskal Autonomia Erkidegoko Auzitegi Nagusiak baztertua”
Nafarroa eta Ipar Euskal Herria
Nafarroako Gobernuak asteazkenean aurkeztuko dio Nafarroako Auzitegi Nagusiari COVID ziurtagiria erabili ahal izateko eskaria. Azaroaren 27tik urtarrilaren 6ra jarri nahi du indarrean. Ipar Euskal Herrian hilabeteak dira indarrean dagoela, eta horrela jarraituko du 2022ko uztailaren 31 arte.
Pandemiak agerian utzi ditu, bere gordintasun osoan, zaharren, haurren eta dependentzia egoeran dauden herritarren arreta-eredu neoliberalaren ondorioak. Konfinamendu garaian loratutako diskurtso kritiko eta alternatiba komunitarioak sendotzeko unea da orain”. Horrela hasi... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]