Dozenaka auzo elkartek eskatu dute alarma egoerak iraun bitartean pisu turistikoak ixteko Espainiako Estatuan

  • Koronabirusaren krisiaren aurka Espainiako Gobernuak hartutako azken neurriek lehentasunezko jarduera izendatu dituzte zenbait ostatu, gaitzak kutsatutakoak bertan hartzeko testuinguruan. Pisu turistikoetara eramatea bizilagunentzat arriskutsua dela eta erabat ixteko eskatu diote asteartean Hego Euskal Herriko eta estatu osoko 36 auzo elkartek, osasuna eta segurtasuna bermatzeko neurri gisa.

Pisu turistikoen aurkako mugimendua pixkana zabalduz doa batean eta bestean.

2020ko martxoaren 31n - 17:23

Pedro Sanchez presidenteak martxoaren 19an dekretu bidez iragarri zuen etxebizitza turistiko eta hotelen itxiera, baina handik lau egunera, martxoaren 23an, Garraio eta Mugikortasun Ministerioak zenbait ostatu turistiko oinarrizko zerbitzu gisa izendatu zituen, batez ere, gaixoak hartzeko leku gisa.

Bigarren neurri horrek auzo elkarte ugariren haserrea eragin du, salatuz etxebizitza turistikoetan hartu nahi baditu gobernuak koronabirusak gaixotutako pertsonak, etxe hauek sarrera eta hainbat espazio komun partekatzen dituztela gainerako bizilagunekin. Aparteko sarbidea duten eta milaka ohe libre dituzten hotelak eta pentsioak erabiltzeko eskatu dute.

Lau eskaera zehatz egin dizkiote Espainiako Osasun Ministerioari, jarraian bildu ditugu:

Batetik, funtsezko zerbitzu gisa kentzea turismo ostatuko edozein modalitate –turismo etxea, ostatua edo pentsioa–, baldin eta bertan bizi direnen eta ostatu turistikoen erabiltzaileen artean elementu komunak badaude.

Bigarrenik, ministeritza-agindu bidez espresuki adieraztea ostatu-zerbitzua, alarma-egoerak iraun bitartean, egoiliarrek eta erabiltzaileek elementu komunak ez dituzten ostatuetan eman behar dela.

Hirugarrenik, espresuki adieraztea bidezkoa dela turismoko ostatuak ixtea, haien izena edozein dela ere, egoiliarren eta erabiltzaileen artean elementu komunak badituzte.

Eta laugarrenik, astearte goizeko datuen arabera, ofizialki 7.340 pertsona hil direla Espainiako Estatuan, COVID-19 gaixotasuna dela eta. Gaixotasun hori oso kutsakorra da, eta, gizakien bizia dagoenean, erakundeei dagokiela herritarren osasuna zaintzea.

Eskaera horiek egin dituzten elkarteen artean daude Euskal Herriko ondorengoak: Bilboko Alde Zaharreko Bihotzean auzo elkartea, Bilboko Foro Zibikoa, Iruñeko Alde Zaharrean Bizi elkartea, Donostiako Parte Zaharreko, Egiako, Uliako eta Herrera-Altzako auzo elkarteak eta Bizilagunekin plataforma. Horiekin batera Estatu osoan ordezkaritza duen Estatuko Auzo Elkarteen Konfederazioa, Zarataren Aurkako Elkarteen Federazio Nazionala, eta gero, Madril, Andaluzia, Valentzia, Cadiz, Kordoba, Granada eta Jaengo eragileak. Orotara 36, Bizilagunekin plataformaren oharrean zerrendatuta ikus daitezkeenez.

 


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude