Emakumeak borrokan

Dozena bat Carlos Sobera RETAren Errekaldeko egoitzan, apustu-etxeen kontrako ekintzan

  • Eragin Bilbo gazte prekarizatuen asanblada osatzen duten dozena bat lagun RETA enpresak Errekalde auzoan duen egoitzara sartu dira, Carlos Sobera telebista aurkezlearen maskarak jantzita, "gazte langileen egoera ekonomiko lotsagarriaz baliatzen diren enpresa nazkagarriak" auzoetatik joan daitezela eskatzeko.

Jon Torner Zabala @jtorner
2019ko apirilaren 01a

Eragin Bilbo asanbladaren hitzetan, apustu-etxeen helburua "langile klaseko gazteen egoera ekonomiko lotsagarriaz baliatu eta hauek jokora engantxatzea da, ludopata gehiago lortzeko".

"Duela hilabete, Bilboko Udalera enpresa hauen kontrako mozio bat aurkeztu genuen, gure auzoetan hauen presentzia mugatzeko. Baina egoeraren larritasunaren aurrean Udal gobernuak (EAJ-PSE) beste alde batera begiratzea erabaki zuen. Baliteke arazo honi inolako inportantziarik ez ematea, edota RETA eta KiroBet enpresekin ere ohikoa den klientelismoa eta laguntxoak entxufatzeko aukera baliatazeko egin izana, baina gu ez gara lurrera begira geratuko".

Carlos Soberaren maskara jantzi dute, 888 apustu-etxearen iragarkietako protagonista bera delako.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Apustu etxeen gorakada  |  Prekarietatea  |  Bilbo

Apustu etxeen gorakada kanaletik interesatuko zaizu...
Azkenak
EGILEA
Eguneraketa berriak daude