"Donostiako Udalak gure ahotsak isilarazteko hartutako erabakia salatzen dugu"
Zurriolako hondartzan protesta egiten ari diren sorosleek agerraldia egin dute ostegunean, Donostiako Udalaren jarrera salatzeko. Astelehenean, hainbat udaltzainek protestarako erabiltzen ari ziren mahaia eta eguzkitakoak kendu zizkieten. Asteartean, berriz, aldarrikapenak jasotzen zituen pankartak kentzeko eskatu zieten, eta horri uko egiteagatik isuna jarri zieten sorosleei.
“Hondartzetako sorosleok Donostiako Udalak gure ahotsak isilarazteko hartutako erabakia salatzen dugu, baita ere askatasunez manifestatzeko gure eskubidea urratu izana”, adierazi dute ELA sindikatuaren egoitzan egindako prentsaurrekoan. “Udalari eskatzen diogu sinatutako akordioa betetzeko, eta baldintza agirian subrogazioa behingoz bermatzeko. BPXport enpresari, berriz, eskatzen diogu kaleratutako langileak berriz kontratatzeko eta langile guztiak aldizkako langile finko gisa hartzeko”, gaineratu dute.
Akordioa ez da betetzen
Greban aritu ostean, 2018an hondartzetako langileen subrogazioa bermatzeko akordioa lortu zuten, baina Donostiakoa da udal bakarra adosturikoa betetzen ez duena. BPXport enpresa azpikontratatua da hiriko hondartzetako langileak kudeatzen dituena. Udalak eta enpresak ez dituzte lan baldintzak betetzen.
Hori dela eta, ekainaren 15ean hainbat soroslek greba berri bat egitea erabaki zuten. Ordutik, hilabete luze daramate beraien egoera salatzen Zurriolako hondartzan, egunero, 8:00etatik 22:00etara. Protesta ikusarazteko eragozpenik ez dute izan uztailaren 13an udaltzainen bisita jaso zuten arte.
Osoigo atarian Donostiako Udalak erantzuteko galdera bat erregistratu zuten, eta dagoeneko 305 pertsonek babestu dute.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.