Donostiako Santa Klara uharteko obrak eta “ingurumenaren suntsiketa” bertan behera uzteko eskatu dute
Donostiako uhartean Cristina Iglesiasen eskultura jartzeko egiten ari diren obrak ezkutuan txikizioa eragiten ari direla salatu du Parkea Bizirik elkarteak. Udalak irla “nazioarteko turismorako erromeria” bihurtu nahi duela ere kritikatu dute.
Irlan egiten ari diren suntsiketa herritarrek ez ikusteko hesi batzuk jarri dituztela dio elkarteak, baina irudiak lortu dituztela (behean, bideoa) eta gogorrak direla: “Berdegunearen kaltetan, bideak zabaldu dituzte eta, goiko belardia zena, orain landaretzarik gabeko lur-mugimendua da. Esku-hartzea ez da amaitu, Santa Klarako flyscharen zati bat haustea falta da, eskultura jartzeko. Itsasoaren oldarraldien aurrean uhartea ahulago bihurtuko dute”. Bertan bizi diren espezieei txarrerako eragingo diela ere ohartarazi dute.
Elkartearen hitzetan, Santa Klararen ondare industriala txikituko du proiektuak eta nazioarteko turismorako erromeria bihurtzea da helburua, “Bermeon Gaztelugatxerekin egin duten bezala”. Jende askoren joan-etorriak “uharteari eta bere bioaniztasunari kalte baino ez dio ekarriko eta gainera hiri-eredu honek bizi-garestitasuna indartuko du”.
10 milioi euroko obra?
Obraren garestitzea ere kritikatu dute: “Esku-hartzeak 1,2 milioi euroko kostua izango zuela jakinarazi zuten, baina dagoeneko 4,2 milioira igo da eta, gai horretan adituak diren iturrien arabera, oso litekeena da 8 edo 10 milioi euroko azken zenbatekora iristea”.
Hainbat eskaera egin ditu Parkea Bizirik elkarteak: “Eneko Goia alkateak eta Cristina Iglesiasek barkamena eskatzea Donostiako jendeari eta hiriari. Uhartea hondatzeko aurrekontuaren zenbateko osoa argitara ematea. Uharteko obrak bertan behera uztea eta bertako ingurumena lehengoratzeari ekitea. Uhartea eta Lurra babestea”.
Espainiako Gobernuak Eskola Jantokien inguruko Errege Dekretua atera berri du, Euskal Herri Hegoaldeko eskola jantokien kudeaketan eragingo duena. Spoiler: elikadura sistema osasuntsu eta jasangarri bat garatzeko inolako asmorik erakusten ez duen dokumentua da.
Duela urtebete pasa gauzatu zuten Ortulaguntza proiektua Debagoienan. Langile bat kontratatu dute bailarako nekazaritza proiektu txikietan txandaka lanean aritzeko, hartara ekoizleei lan karga arintzeko eta baldintzak duintzeko. “Sektorea zaurgarri zegoela eta errelebo... [+]
Kaxalotea edo zeroia (Physeter macrocephalus) munduko horzdun zetazeo handiena da, eta baita munduko horzdun animalia handiena ere. Beheko barailan soilik ikusten zaizkio hortzak, baina bakoitzak kilo bateko pisua izan dezake. Izatez, ez dago oso argi zertarako erabiltzen dituen... [+]
Aurten bai urtea da. Sagar urtea izango da aurtengo hau (Malus domestica). Eta baialdia behar bezala agurtu eta baliatzeko, besteak beste, dolareak gertatu beharko ditugu.
Ebroko Konfederazio Hidrografikoko (CHE) lehendakariak egin du iragarpena aste hasieran: Esako urtegia handitzeko lanen laugarren moldaketari aurten ekingo diote eta urtegiaren eskuin magala egonkortzeko 47 milioi euro gastatuko dira.
Azken asteotan, energia berriztagarriei buruzko eztabaida komunikabideetan zabaldu da. Euskal Herrian, lehenik eta behin, Aritz Otxandianok jasandako erasoaren kasu mediatikoa izan genuen, berak energia berriztagarrien aldeko jarrerari egotzi ziona; handik egun gutxira,... [+]
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako Mendiak Bizirik taldeak antolatuta Trantsizio energetikoaren mugak izeneko bere hitzaldia... [+]
Ekintzaren erantzukizuna zazpi mendizalez osatutako talde batek hartu du, Jesús Vallés aktibista tartean. Ordesako Parke Nazionala (Aragoi) "abentura parke bat" bihurtu dela salatu du taldeak, eta "parkearen turistifikazioak eta kirol jardueren... [+]
Giza jardueren eragina uste baino handiagoa dela eta ehunka kilometrotara ere irits daitekeela ondorioztatu dute biodibertsitatea neurtzeko ohikoa ez den metodo bat erabiliz. Biodibertsitate iluna neurtu dute: leku jakin batean bizi daitezkeen baina bizi ez diren espezieen... [+]
Maiatzaren 16tik 18ra izango da kanpaldia, AHTk eta berriztagarrien proiektu batek "mehatxaturiko" Arabako Uribarri Jauregi herrian. "Desjabetu nahi dituzten eremuetan erresistentzia antolatzeko dugun gaitasuna erakutsi eta kaleak betetzetik mendiak hartzera pasako... [+]
Ander Goikoetxea Amasa-Villabonako zinegotzia da eta EH Bilduko Legebiltzarkidea. Premier ESPF Ipaz Haizea enpresak Amasamendin ezarri nahi dituen bi haize erroten orain arteko prozesua nola izan den azaldu du.
Gero eta nabarmenagoa da Espainiako Estatuak ez duela planifikazio demokratikorik energiaren arloan. Duela gutxi jasan dugun itzalaldia adibide garbia da, baina ez da bakarra. Energia berriztagarrien kontrolik gabeko eta lurralde askotan gehiegizko hedapena da beste adibide... [+]
Gure hondartzak marrazoz beterik daude. Igerilariak lasai egon, kostaldean 100-200 metroko sakoneran ditugun hondartza zabalez ari bainaiz. Bertan bizi da Atlantikoko marrazo ugariena eta txikiena.
Maiatzaren 10ean egun osoko festa berezia antolatu dute Zestoako Amilibia baserrian. Agroekologiaren eta elikadura burujabetzaren alde, Gipuzkoako Biolur elkarteak abiatutako proiektua da Amillubi, eta udaberriko hitzordua aitzakia paregabea izanen da tarte eder bat partekatu... [+]