Donostia Ospitaleko zuzendari berriak jazarri zuela salatu zuen OPEetan iruzurra agerian utzi zuen langileak

  • 2018ko Lan Eskaintza Publikorako deialdian iruzurrak salatu zituen langiletako bati, egoera "jasanezina" egin zion orduan ESI Debagoienan zuzendari zen Agustin Agirrek. Orain, ESI Donostiako zuzendaritza kargua hartu du, eta Jaurlaritzako Osasun sailburuak esan du "konfiantzazkoa" dela. Agirrek "boterea gehiegikeriaz" erabiltzen zuela salatu zuen Roberto Sánchez anestesiologoak, eta lanpostua utzi behar izan zuen jazarria izan zela salatuz.


2022ko abenduaren 06an - 10:18
Azken eguneraketa: 12:11
Agustin Agirre. Goiena.

"Roberto Sánchez dut izena, bilbotarra naiz, eta Osakidetzarekin daukadan lan-harremana etetea erabaki dut 22 urteren ondoren"; horrela hasi zuen bere agur- eta salaketa-gutuna Roberto Sánchez anestesiologoak, El Diario atari digitalean, joan den maiatzean. Aurkezpen laburraren ondoren, honela jarraitzen du: "Denbora gehiegi eman dut presiopean lanean, estutasun larrian, Agustin Agirrek eta Luisa María Díazek osatutako zuzendaritzaren jazarpena jaso baitut". Lan-txanda aldaketa ugari pairatu dituela salatu du Sánchezek, ordutegi okerrenak jasan zituela dio, guardia-txanda asko, eta deskantsu orduak errespetatu gabe ere lanera itzuli behar izaten zuen, besteak beste. Neurrigabeko agintekeriaz kexatzen zen aldiro, espedientea zabaltzearen mehatxu egiten zioten. Berria egunkariak ere duela gutxi jaso zituen adierazpenok.

Agustin Agirre azpeitiarra, Debagoiena Ospitalean aritu aurretik, 2019ko azarora arte, Basurtuko ESIan zuzendari mediku izan da. Debagoienan pare bat urte egin ditu, eta azken hilabeteotan Bidasoa Ospitalean egon da kargudun; ESI Donostian krisia lehertu eta zuzendaritza-taldea kasik erabat desegin denean, lehen kargu-hartzea berea izan da Gotzone Sagardui Osasun sailburuak hala aginduta. Zuzendari gerentea izango da Agustin Agirre, behin-behinean bederen, eta Ana Bustinduy izango da berriz, mediku zuzendari berria.

Jaurlaritzaren "konfiantzazkoak"

ESI Donostiako zuzendaritzak ez zuen Osakidetzaren eta Osasun Sailaren "ikuspegi bera"; hala jakinarazi zuen Gotzone Sagardui sailburuak ongi prestatuta zeukan agerraldian. Azken egunotan, ESI Donostiako zuzendari gerentea eta zuzendari medikua kargutik kentzea, "erabat zentzuzkoa" zela eta talde-berregituraketa baino, "antolakuntza-aldaketa soilak" direla defendatu du Sagarduik. Gutxienez hiru dimisio ere izan dira tartean, baina sailburuaren arabera, Donostia Ospitalea ez dago biluzik.

Kargugabetzearen arrazoiak aletu ere egin gabe, ulertzera eman du lehendik ere bertako arduradunekin bazituztela desadostasunak. Baina, edonola ere, azpimarratu du erakunde bakoitzak eginkizun zehatza izaten duela, eta zuzendaritza-taldeen zeregina izan ohi dela itunduta datorkiena betetzea.


Kanal honetatik interesatuko zaizu: Osakidetzako gatazka
Osakidetzaren irtenbide bakarra lanaldia luzatzea dela kritikatu dute ELA, LAB eta CCOOk

Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.


Murrizketak egingo dituzte udan Osakidetzaren lehen mailako arretako zentroen herenean

Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.

 

1.431 lanpostu sortzeak ez du Osakidetzaren plantilla handituko, ELA eta ESK sindikatuek salatu dutenez

Eusko Jaurlaritzak Osakidetzan iragarritako lanpostuak behin-behinean dauden langileen plazak formalizatzeko izanen direla esan dute ELA eta ESK sindikatuek.


Auzitegi Nagusiak berretsi du: geldirik jarraituko du Basurtuko bihotz kirurgiaren lekualdatzeak

Osakidetzak jarritako helegitea ez du onartu Euskadiko Auzitegi Nagusiak. Azaroan gelditu egin zuen Gurutzetara lekualdatze prozesua Arabako epaitegi batek.


2022-12-29 | Lide Iraola
Osakidetzako krisia
ESIko zerbitzuburuek bost eskakizun egin dizkiote zuzendaritzari

Zuzendaritza ospitale barruko kideez osatzea, mahai teknikoa osatzea langileen ordezkaritzarekin, "behetik gorako" lan ebaluazioa, langileen egonkortzea eta Onkologikoaren hitzarmen berriaren inguruan azalpenak jasotzea. Bost puntu horietan ardaztu dituzte... [+]


Eguneraketa berriak daude