Deustuko zubia moztu dute emakumeen enplegua duintzea aldarrikatuz

  • LABeko dozenaka sindikalistek eserialdia egin dute zubian hainbat minutuz, trafikoa etenez. Ekintza gehiago iragarri ditu sindikatuak aste honetarako.


2021eko ekainaren 07an - 13:48
Azken eguneraketa: 15:54

Eguerdi aldera burutu dute ekintza sindikalistek. Ertzaintza hamar bat minutura agertu da, eta tarte batez protestaren arduradunetako batekin hitz egin ostean, LABeko kideak lurretik altxatu eta ekimena amaitutzat eman dute. Protesta berean ondoko Zubiarte merkatal gunean pankarta bat eskegi dute, No sobra nadie. Lana banatu, kapitala banatu! Leloarekin.

Ohar batean azaldu du ekintzaren zergatia LABek: “Euskal gobernu eta patronalei mezu argi bat zabaltzeko: premiazkoa da emakumeen enplegua baloratzea eta duintzea”. LABeko Zerbitzu Pribatuetako federazioko kide Maddalen Doradorrek adierazpenak egin ditu zubian. “Garbitzaileak gara, duintasunetik urrun dauden lan baldintzak ditugunak; ostalaritzako langileak gara, gure politikoek gu kontuan hartu gabe ireki eta ixten dituztenak; merkatariak gara, enpresen irabaziak hazten ikusten ditugun bitartean, murrizketa eta kaleratzeak sufritzen ari garenak… jarduera ezberdinetako langileak gara, egunero-egunero are gehiago prekarizatuak eta tantaka kaleratzen gaituztenak, eta gure kaleratzeak ez dira inon ageri”.

Ekintza gehiago

Aste honetan tankerako ekintza gehiago iragarri ditu LABek, prekarietatearen eta enpleguen galeraren aurka borrokatzeko dinamika hasi berri baten baitan: “Hau hasi besterik ez da egin. Borrokak hauspotu eta indartzeko garaiak datoz Euskal Herrira”.

 

 


Kanal honetatik interesatuko zaizu: Langile borroka
Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Eguneraketa berriak daude