Deskonfinamenduaren nondik norakoak jakinarazi ditu Frantziako lehen ministroak
Maiatzaren 11tik aurrera, Ipar Euskal Herrian ikastetxeetara itzuli ahal izango dute nahi duten ikasleek, saltokiak irekiko dituzte eta herrietako azokak zabaltzea alkateen esku egongo da. Garraio publikoan erdira murriztuko da bidaiarien kopururua eta derrigorrezkoa izango da horietan maskara eramatea. Horiek eta beste neurri batzuk azaldu ditu Édouard Philippe Frantziako lehen ministroak.
Pandemiaren indikatzaileak aurreikusitakoak badira, maiatzaren 11n hasiko du Frantziako Estatuak deskonfinamendua. Hala adierazi du Philippek.
Haurrentzako maskarak, debekatuta
Ikastetxeetara itzulera boluntarioa izango da ikasleentzat eta haurreskoletatik hasiko dira. Ikasgela bakoitzean ezingo dute 15 ikaslek baino gehiagok batera egon, gel hidroalkoholikoa banatuko da irakasle, ikasle eta langileentzat, eta irakasle eta langileek maskara eraman beharko dute, distantzia fisikoa bermatzeko arazoak dituzten uneetan. Haurrentzako maskarak, kasu berezietan izan ezik, debekatuta egongo dira.
Saltokiek ateak ireki ahal izango dituztela ere adierazi du lehen ministroak, ez ordea tabernek, jatetxeek eta hotelek; horien irekiera ekainean aztertuko dute. Herrietako azokak ere baimenduko dituzte, baina alkateek izango dute azken erabakia.
Lanari dagokionez, Gobernuak telelana gomendatu du eta ezin denetan, enpresek ordutegi eskalonatuak izatea bultzatuko da, garraiobideak ez saturatzeko. Hain juxtu, metro, tren eta autobusak, baita eskolako autobusak ere, erdira murriztu beharko dute bidaiari kopurua, distantzia fisikoa bermatu ahal izateko. Garraiobide hauetan, maskara kirurgikoak erabiltzea derrigorrezkoa izango da.
Kirol kolektiborik ez
Kirol kolektiboak ez dira momentuz baimenduko, ez futbol liga, ez leku itxietan jokatzen direnak. Zine-aretoak, kontzertu aretoak, museo handiak… itxita mantenduko dira oraingoz. Hori bai, erakusketa areto eta kultur zentro txikiak ireki ahal izango dira, beti ere distantzia fisikoa bermatzen bada.
Neurriak iragarri ostean, kolapso ekonomikorako arriskua dagoela onartu du lehen ministroak.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.