Deliveroo enpresako banatzaileak soldatapeko langileak dira eta ez autonomoak, Madrilgo epaitegi baten arabera

  • Epaileak arrazoia eman dio Gizarte Segurantzari Deliverooren aurrean. Epaiaren arabera, bizikletan banatzaile lanetan aritzen diren langileek soldatapeko lan harremana dute enpresarekin, enpresak ezartzen ditu lan baldintzak eta langileek ez dute autonomiarik.


2019ko uztailaren 23an - 11:59

Madrilgo Gizarteko 19. Epaitegiak arrazoia eman dio Lan Ikuskaritzari. Deliveroo enpresak defendatzen duenaren aurka, epaileak ebatzi du 'riderrak' soldatapeko langileak direla, eta ez langile autonomoak.

Epaiak jasotzen duenez, “banatzaileen zerbitzuen prestazioan” nagusitzen diren baldintzak “soldatapeko lanarenak” dira. Garraiolariek “lan pertsonal bat egin dute enpresak zuzendu eta antolatutako baldintzetan”. Behin langileak eskaria onartuta, lana “enpresak erabakitako instrukzio zehatzen arabera egin behar zen, langilearen autonomiarako tarte hautemangarririk gabe”. Epaiak lana antolatzen duen aplikazio informatikoa eta banatzaileen formazioa zuzenean enpresaren eskuetan dagoela azpimarratzen du.

Deliveroo enpresak azkenaldian izugarri garatu den “autonomo faltsuen” eredua erabiltzen du langileak kontratatzeko. Kritika asko jaso duen eredua da, prekarietate maila altuengatik. Glovo da lan eredu honen enpresa aitzindarietako bat.


Kanal honetatik interesatuko zaizu: Prekarietatearen aurpegiak
2020-07-16 | Irutxuloko Hitza
Zurriolan protestan ari diren sorosleek salatu dute pankartak kendu eta isunak jarri dizkietela

Subrogazioa eskatzeko greba ekainaren 15ean hasi zuten sorosleek, eta geroztik egunero 8:00etatik 20:00etara Zurriolako hondartzan izan dira protestan. Atzoko eguna, aldiz, desberdina izan zen. Greban dauden Donostiako sorosleek jakinarazi dutenez, 12:00ak aldera udaltzainak... [+]


Mikel Yanci eta Jon Ibarguren
"Donostiako Udalak eta BPX Sport enpresak hondartzetako sorosleoi zein baldintzetan lan eginarazten diguten jakinarazi nahi dugu"

Donostiako hondartzetako sorospen zerbitzuan urte luzez lan egin duten hainbat lagun lanik gabe utzi ditu BPX Sport enpresak aurten. Enpresa hori Donostiako Udalaren azpikontrata da, eta Udalaren menpeko zerbitzuan ibilitako sorosleek lan baldintza kaskar eta prekarioak salatu... [+]


"Gu ez gaitu koronabirusak hilko, gu goseak hilko gaitu"

Koronabirusak eragin duen krisiari askotariko erantzunak eman dizkiete gobernuek, baina gehienek etxean geratzera derrigortu dituzte herritarrak. Zenbait gobernuk erabili duten hizkera belikoari jarraiki, “etsaia” kanpoan dago, eta norbere burua babesteko erarik... [+]


2019-08-19 | ARGIA
Sutan Gaude ekimenak lan arloko esplotazioak bistaratu nahi ditu

Gasteizen sortu da ekimena. Instagram bitartez langileen lekukotasun anonimoak zabaltzen ditu, “lan esperientzia txarrak sufritu dituzten pertsonek euren bizipenak konpartitzeko aukera izan dezaten”.


Enpleguaz irakurriko ez dituzun datuak

Hauteskunde garai honek hainbat gai mahairatu du. Enplegua ez dago lehenengoen artean. Azpimarragarria da, batez ere populazioaren gehiengoa soldatapekoa denean eta Errezesio Handiaren ondorioak oraindik gainditu ez ditugulako. Bestalde, hurrengo krisiaren zantzuak gero eta... [+]


Eguneraketa berriak daude