Hitzarmen Kolektiboan sar ditzaten, mobilizazioak deitu ditu EHUko Doktoregaien Asanbladak
Unibertsitateak beraien langile izaera behingoz onartu eta, ondorioz, Hitzarmen Kolektiboan sar ditzatela eskatzeko mobilizaziora deitu du UPV/EHUko Doktoregaien Asanbladak.
Ostegunean, hilak 10, Leioako Campuseko Liburutegi parean eta Donostiako ikasgelategian deitu dituzte mobilizazioak, goizeko 11:30etan. Lizentziatu eta graduatuentzat lan baldintza duinak eskatzen dituen era berean UPV/EHUko ikertzaileei hauek ukatzen dizkion Nekane Balluerka UPV/EHUko errektorearen “zinismoa salatzea” xede.
Esku-artean dauzkaten tesiez gain, beste hainbat ikerketatan kolaboratu zein irakaskuntzan parte hartzen duten hirurehundik gora ikertzailek lan egiten dute UPV/EHUn, Unibertsitate bereko ikerlarien asanbladak emandako datuen arabera. Ikerlari hauek, aipatu lanak aurrera eramateaz gain, hamaika kongresu eta mintegitan Euskal Unibertsitate Publikoaren izena munduan zehar zabaltzen ere jarduten dutela azaldu dute. Alabaina, beste lan-kategoria batzuk dituztenen lanaldi eta ikerketa-lan berbera egin arren, hauekin konparazioan baldintza prekarioak dituztela salatzen dute, “ordainsarietan %44ko aldea izateraino”.
Iaz unibertsitatearen campus desberdinetan eta espainiar estatu osoan zehar mobilizatu zen kolektiboa, gerora lehengoratutako kontratu aldaketa baten aurka. Asanbladak anbiguetate juridikoak eta hutsune legalak daudela salatzen du, unibertsitateak euren lan-eskubideak ahultzeko baliatzen dituenak, bereziki soldatari eta kontratua amaitzeagatiko kalte-ordainari dagokionean.
Lan-sari eta lan-baldintzei dagokienez ondorio kaltegarri agerikoak dakartzan prestakuntza kontratu batekin zokoratu nahi dituztela salatzen du asanbladak. Hauen hitzetan, “errektorearentzat eskandalukoa da lizentziatuek eta graduatuek 1000€tik behera kobratzea, ez ordea UPV/EHUko ikertzaileek 909€ko soldata izatea”. Eta gehitzen dute atentzioa ematen diela Nekane Balluerkak, “hauteskunde-kanpainan esandakoaren arabera sentsibilitate eta kolektibo desberdinen integratzaile behar zuenak”, UPV/EHUko ikertzaileen duintasuna horrela laidotzen uzteak.
“Egiturazko” gisa jotzen duten egoera horren aurrean, UPV/EHU kontratua amaitzeagatiko kalte-ordainak ordaintzen berriro hastea ere eskatzen dute, dauzkaten kontratuek hala dioten arren, euren jarduna ez baita prestakuntzakoa. Gainera, beste unibertsitate batzuetan kalte-ordaina ordaintzen jarraitu dutela badakitela adierazi dute.
Errektoreari eta bere taldeari hartu dituzten erabakiek euren lan-eskubideak kaltetzen dituztela adierazi, eta eskubideok errespeta ditzaten eta egoerari konponbide bat eman diezaioten exijituko dute osteguneko mobilizazioetan.
Ikasleen gurasoek salatu dute garraio publiko zuzenik ez dagoela eskualdetik Kanpusera heltzeko eta Renferen zerbitzuak luzatzen duela egunero bidaia, ia lau ordura heldu arte.
Palestinan gertatzen ari diren gizadiaren aurkako krimenak “berariaz gaitzesten ez dituzten” Israelgo erakundeekin harremanik ez izateko 2024ko apirilean EHUko Gobernu Kontseiluak hartu zuen konpromisoaz gain, beste urrats bat eman du euskal unibertsitate publikoak... [+]
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak... [+]
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
2025-2026 ikasturtean, Medikuntza eta Erizaintza Fakultatean euskarazko 32 ikaspostu gehiago eskainiko ditu EHUk. Erakundeak adierazi du kopuru hori lortzea Eusko Jaurlaritzako Osasun Sailarekin eta Zientzia, Unibertsitate eta Berrikuntza Sailarekin izandako... [+]
EHUk eginiko ikerketaren arabera, Araba, Bizkaia eta Gipuzkoako etxeko langileen %43,10ak ez du inoiz lan kontraturik izan, baina enplegatzaileen %70ak uste du "baldintza ezin hobeak" ematen dizkietela beren etxeko langileei. Etxeko langileen %27,4 egoera... [+]
Unibertsitatera sartzeko azterketa eredu berria estreinatu eta gutxira, datorren ikasturterako azterketa berriz ere “goitik behera” aldatuko dietela eta probak eskakizun maila altua izango duela salatu du EAEko Historiako irakasle talde batek. Azterketa eredua... [+]
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
EHUk, aldiz, azaldu du ezinezkoa dela hitz emandako 40 plaza berriak eskaintzea, ez baitute horretarako baliabiderik. Plaza berrien kopurua pixkanaka areagotzeko asmoa erakutsi du EHUk.
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Martxoaren lehenengo lanegunarekin batera, komunikabideetan azalduko ez diren aldaketak etorri dira EHUn. Azken Lan Publikoko Eskaintzaren ondorioz, ehunka langile –arlo tekniko eta administrazio zerbitzutakoak– orain arte okupatzen zuten lanpostutik atera eta beste... [+]
Leporaturikoa ez onarturik, eta sare sozialetako kontuak "lapurtu" zizkiotela erranik, salaketa jarri zuen Arabako campuseko Farmazia Fakultateko irakasleak. Gernikako auzitegiak ondorioztatu du ez dagoela modurik frogatzeko mezu horiek berak idatzitakoak diren ala ez.
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]