DBH eta Batxilergoko gazteei ikasketekin laguntzeko sarea sortu dute unibertsitateko ikasle boluntarioek
EHU eta NUPeko 100 ikasle boluntario baino gehiago inplikatu dira dagoeneko eta online ikasketak ezin dituztelako jarraitu edo zailtasunak dituztelako errefortzua behar duten ikasleei laguntza ematen diete. Apunteen bankua ere sortu dute, "egoera zail honetan baliabideak kolektibizatzea ezinbestekoa baita".
Etxean baliabide teknologiko nahikorik ez duelako, online klaseetan galtzen delako edo zernahi arrazoirengatik behar duelako, DBH, Batxilergo eta unibertsitateko lehenengo mailetako ikasleei laguntza eskaintzen ari dira Unibertsitateko Indar Batasuna ikasle mugimenduko boluntarioak.
Egoera okerrenean dauden ikasleak, ebaluazioekiko ziurgabetasuna, pandemiaren krisiak hainbatetan sortu duen koordinazio falta… izan dute buruan, ekimena abiatzeko orduan. “Hekuntzan eta gainerako arloetan baldintzak aldatzen ez diren bitartean, klase elkartasuna martxan jartzea dagokigu, egoerari aurre egiteko”, diote.
Nola egiten dituzte errefortzu eskolak?
Skype, Hangouts, posta edo telefonoa dira aukerak, bakoitzaren beharren arabera. Gertu biziz gero ere, eta segurtasun neurriak hartuta, aurrez aurre egiten dute. Harremanetan jartzeko bideak ere bat baino gehiago dira: posta (uibnazionala@gmail.com), mugikorra (688 646 697), Twitter (@UIBnazionala) eta Instagram (@uib_nazionala).
Honako arloetan ematen dute laguntza: Fisika, Kimika, Teknologia, Marrazketa teknikoa, Biologia, Geologia, Matematikak, Euskara, Gaztelania, ingelesa, Frantsesa, Latina, Grekoa, Filosofia, Historia, Artearen Historia, Ekonomia, Geografia.
Azkenik, ikasleek bidaltzen dituzten apunteak biltzen eta sarera igotzen doaz, denen eskura jartzeko. MEGA.nz sarean, Unibertsitateko Indar Batasunaren helbidean dago apunteen bankua. Emailez helarazi ditzakete ikasleek euren apunteak.
Donostian, euskarazko eskolako lanekin laguntzeko sarea
Bestalde, Donostian ere boluntario sarea jarri dute martxan herritarrek, kasu honetan Lehen Hezkuntzako haurrei euren eskolako lanetan euskaraz laguntzeko edota euskarazko mintzapraktika saioak haiekin egiteko. Konfinamenduaren ondorioz, haur eta nerabe askori euskaraz normaltasunez jarraitzeko aukerak murriztu zaizkielako hartu dute erabakia. Hainbat telefono eman dituzte eta honako honetara deitu daiteke informazio eske: 680 671 818
Katalunian Societat Catalana de Pediatria elkarteak pandemia kontrolatzeko ikastetxeetan aplikatzen diren neurriak bertan behera uzteko eskatu du, neurri horiek haurrengan dituzten ondorio kaltegarriak argudiatuz. Tartean dago gela barruetan maskararen erabilera kentzea, modu... [+]
Beste hainbat bezala COVID pasearen aurka Bilbon deituta zegoen manifestaziora joan ginen aurrekoan. Bertan adin, kolore, janzkera eta hizkera askotariko zenbat jende zegoen ikusteak asko poztu ninduen, eta tartean topatu nituen unibertsitate garaiko batailetako lagunak edo... [+]
Zarauzko Udaleko urtarrileko osoko bilkuran, galdera erantzunen txandan sei herritarrek hartu zuten hitza, eta Covid pasaporteak eragindako diskriminazioa eta beren bizipenak azaldu zituzten; tartean, pasaporterik gabe kiroldegira sartzeagatik atxilotuta bukatu zuen... [+]
Bermeon jaiotako eta bertara etorritako herritarren artean hilean behin egiten zuten tertulia dago Lurre Hurre proiektuaren oinarrian. Elkar ezagutu zuen herritar talde horren harremanetik abiatuta, eta konfinamendu garaian migratzaile askok bizi zuten egoeraz jabetuta, egitasmo... [+]
Joseph Andras (Le Havre, Frantzia, 1984) idazlea da. 2016an lehen eleberriagatik "Goncourt" sari famatua eman zioten, baina berak uko egin zion epaimahaiari esanda “lehia, konkurrentzia eta norgehiagoka arrotzak zaizkiela idazketari eta sorkuntzari”... [+]