Egungo egoera dela-eta Tolosako Udalak jakinarazi du, "arduragatik festa giroko jarduerarik ez dela egingo ohiko eran". Inauteriekin batera, udazkeneko azoka berezia bertan behera utzi du eta Eguberrietako eskaintza aztertzen eta lantzen ari da.
Tolosako Udalak inauteriak eta udazkeneko azoka bertan behera uztea erabaki du. Eguberrietako Olentzero eta Mari Domingiren etorrera eta Errege Magoen desfilea nola egin ere aztertzen ari da. "Jende pilaketak ekiditea bete beharreko oinarrizko eta funtsezko araua izanik", udalak, "arduragatik", festa giroko jarduera oro ohiko eran egingo ez dela jakinarazi du.
Horren aurrean udalak urteroko ohiko jarduerak ordezkatzeko proposamen berriak landu nahi ditu herriko eragileekin elkarlanean, "tolosarrei, osasun eta segurtasun neurri guztiak beteko dituzten jarduera-egitarau berriak eskaintzeko".
Auzoetako festak eta azoka berezia
Auzoetako festen ordez, auzo elkarteetako ordezkariekin elkarlanean alternatiba bat landu dela esan du eta urriko zubian Kultura Plazara egitasmoaz gozatu ahal izango dela. "Kultur jarduera ezberdinak antolatu dira zezen plazan herritarrek kulturaz gozatzen jarraitzeko aukera izan dezaten". Eguraldi txarra iragarrita badago ere, aurreikusitako ekitaldi guztiak mantendu egingo direla aurreratu du eta euria egiten badu estalitako goiko eremua erabiliko dela zehaztu du.
Azoka berezien kasuan ere uztailean ekin zion udalak eragileekin biltzeari eta dagoeneko ari dira proposamen berriak lantzen eta ixten. "Azokak ohiko eran ospatuko ez badira ere, ekintza txiki sinbolikoak egingo dira horien esentzia mantentzeko, azoka bereziak gure herri izaerari lotuta daudelako eta udazkenean gure herriaren ikur eta bereizgarri direlako".
Eta auzoetako jaiekin eta azoka bereziekin egin den moduan, gauza bera egin nahi du udalak gainerako festa eta jarduera guztiekin ere: "lehenik eta behin eragileekin bildu, zer egin daitekeen aztertu eta ondoren proposamenak landu eta adostu".
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.