Altsasuko Gurasoek Donostiako Piraten txupinazoa botatzea galaraz dezala eskatu dio Covitek Udalari
Covite biktimen elkarte eskuindarrak Donostiako Udalari eskatu dio ez uzteko Donostiako Piraten txupinazoa Altsasuko Gurasoek botatzea, beren hitzetan "biktimentzat umiliazioa litzatekeelako". Ekinbide legalak har ditzaketela mehatxu egin dute.
"Gogorarazi nahi dugu Altsasuko zigortuen alde posizionatzea ezker abertzalearekin lerratzea dela, hasieratik babestu baititu erasotzaileak eta biktimen eta hauen familien aurkako jazarpen kanpaina bultzatzen ari baita", diote webgunean zintzilikatu duten oharrean.
Eneko Goia alkateari gutun bat bidali diotela diote, Altsasuko gazteen senideek osatutako Altsasuko Gurasoak plataformak ez dezan bota jai herrikoi hauen hasierako txupina.
Donostiako Udalak jai herrikoien aldeko herri mugimendu horretan ez du parte hartzen eta ez du zerikusirik txupinazo pirata nork botako duen hautatzeko prozesuarekin. Donostiako Piraten mugimendua osatzen duten kofradietako kideek erabakitzen dute urtero zein eragile sozialek irekiko dituen jai herrioiak.
Urtero Piratek nabarmendu nahi duten errealitate sozial bati ikusgarritasuna ematen laguntzeko baliatzen dute txupinazoa: 2012an uholdeek auzoa kolpatu ostean egindako lanagatik Martuteneko auzo elkartea izan zen txupina bota zuena, 2013an Etxe kaleratzeak Stop! kolektiboa, 2014an abortatzeko eskubidearen aldeko mugimendua, 2015ean Irutxuloko Hitza, 2016an errefuxiatuak eta iaz Sara Majarenas eta Izar bere alaba etxera ekartzearen aldeko aldarria.
Covitek Espainiako Gobernuak EAEn duen ordezkari Jesus Loza gaiari buruz mintza dadila eskatu du.
"Erakunde publiko bat horrelako mezuak zabaltzeko prest egoteak biktimekiko erabateko elkartasun falta erakusten du eta demokraziaren oinarrizko baloreen aurkako erasoa da".
Azkenik, Donostian milaka lagun haserretu eta kalera aterarazi zituen La Manada bortxatzaileekin erkatu ditu Altsasuko gazteak. "Onartuko al luke Donostiako Udalak La Manadako kideen senideek botatzea Txupinazo Pirata?".
Donostiako Piratek asteartean jakinarazi dute Altsasuko gazteen gurasoek botako dutela txupinazoa. Larunbatean hasiko dira jaiak Gipuzkoako hiriburuan. 19:15ean Ezkila eta Mattiri ongi etorria egingo zaie kaian, eta ondoren, 19:30ean izango da txupinazoa kaiko Flamenka gunean.
Kontsultatu egitarau osoa egunez egun eta kofradiaz kofradia lotura honetan.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
“Erasoa jasan genuen hamar emakumek Haritz Varelaren aurkako salaketa jarri dugu Donostiako epaitegian, eta auzibidea aurrera doala jakinarazi nahi dugu”. 80 emakumek astearte arratsaldean Donostiako Tabakalera ondoan prentsaurrekoa eskaini dute jakinarazteko ezker abertzaleko eta Donostiako Piratetako kide ohiaren aurkako auzia zertan den. Ez dute publiko egin noiz izango den deklarazioaren eguna, eta zailtasunak salatu badituzte ere, "bidean topatu ditugun emakumeen... [+]
Euskal Jaiko karrozen kolektiboak eta Zumarraga eta Urretxuko gazte mugimenduak deituta, manifestazioa egin zuten ostiral iluntzean, karrozek jasan zuten erasoari erantzuteko.
Bilboko Aste Nagusian (abuztuaren 21ean), Mamiki konpartsan eginiko bertso saio feministaren kronika. Bertsolariak: Iratxe Ibarra, Oihane Perea eta Jone Uria.
Erregistratutako eraso sexisten salaketak lau izan arren, beste horrenbeste eman direla jakinarazi dute. Salatzen ez diren erasoak kontuan hartuta, kopuruak askoz handiagoa behar duela izan azpimarratu dute.
Bilboko Konpartsek hiru aldiz aktibatu dute protokoloa Aste Nagusian zehar. Azkenengoz igandean, larunbat goizaldean jasotako erasoa gaitzesteko.
Ostiralean deitutako gaueko manifestazioak eraso sexistarik gabeko Aste Nagusia aldarrikatuko du.
Larunbatean manifestazioa antolatu du Bizkaiko zezenketen kontrako kolektibo animalistak, Bilboko Aste Nagusian Chopera enpresak udalaren kontzesioz bederatzi egunez jarraian Vista Alegre zezen-plazan antolatu dituen animalien hilketak salatzeko.
Urtero Uztaritzen egin ohi den Lapurtarren Biltzarra bertan behera utzi dute aurten antolatzaileek. Festa prestatzeko taldea ez dela berritzen eta "akituta" daudela azaldu dute.
La Manadako kideak euskal preso politikoen dispertsioaren aurkako pegatinak paparrean jarrita ibili ziren Sanferminetan bost gizonen artean emakume bat bortxatu zuten gauean, beraiek beren buruari grabatutako bideoetan ikus daitezkeenez.
Hemen da 16. Aste Nagusi Pirata. Orotara dozenaka ekimen prestatu dituzte 12 kofradiaren artean. Egitarauarekin argitaratu duten liburuxka kontsulta dezakezu PDFan lotura honetan. Bestela jarraian egunez eguneko informazioa.
