Yala Nafarroak jaurtiko du sanferminen txupinazoa
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
Yala Nafarroak sanferminei hasiera emango die, asteartean Iruñeko Udalak iragarri duenez. Yala Nafarroa Palestinaren alde, genozidio eta okupazioaren aurkako eta Palestinarekiko elkartasun aktiborako plataforma da. Nafarroa osoko eta esparru guztietako 220 kolektibo baino gehiago (internazionalista, soziala, kulturala, politikoa, sindikala, plataforma sektorialak…) eta 1630 pertsona baino gehiagok osatzen dute. Iruñeko Udalak ondorengoa azpimarratu du, aurkezpeneko prentsaurrekoan: "Arlo sozialari dagokionez, plataformak Iruñean giza eskubideen, nazioarteko legezkotasunaren eta palestinar herriarekiko elkartasunaren inguruko kontzientzia kritikoa sustatu du hitzaldi eta jardueren bidez eta bertako kultura eta kirola bultzatu dituzte hirian ekintza ugari antolatuz".
Joseba Asiron Iruñeko alkateak plataforma zoriondu du: "Gure zorionik beroenak Yala Nafarroa plataforma osatzen duten pertsona guztientzat, Palestinako herriak bere historiako unerik zailenetako bat bizi du, gure kontzientziak zauritzen dituen eta gizarte gisa interpelatzen gaituen egiturazko indarkeria baten biktima da".
Hautagaiak honako hauek ziren: AFAN (Alzheimer gaixoen familien elkartea), Iruñeko Gaiteroak, Alberto Gurrea Saenz jota kantaria, Juan José Martinena Ruiz historialaria eta Yala Nafarroa. Hautagaien artean txupinazioa jaurtiko duena aukeratzeko bozketak "errekor guztiak apurtu" dituela esan du prentsaurrekoan Asironek. 17.543 iruindar baino gehiagok hartu dute parte. Parte-hartze altuena zeukan bozketak 2018an izan zen, eta 12.213 boto jaso zituen. Aurtengoak hiru egun falta zirelarik gainditu zuen zifra hori.
Uztailaren 6an emango diete hasiera sanferminei.
Bederatzi egun eta gau luzeren ostean, Iruñeak normaltasunera itzuli nahi du Sanferminak ixten dituen azken ekitaldiarekin: Villavesako entzierroa, non gaizki tratatzen den gauza bakarra parte hartzaileen gibela eta osasuna baita. Ekitaldi herrikoi honen ondoren hasten da... [+]
Performance umoristiko batean gurutze batekin masturbatzen ari zarela irudikatzea delitua izan daiteke Espainiako Legearen arabera. Baina normaltzat hartu behar ei dugu, inoiz existitu ez zen norbait omentzea egurrezko panpina bihurtuta, “munduko jairik onenetako”... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AnimalNaturalis eta PETAk manifestazioa egin dute Iruñeko Udaletxearen aurrean, tauromakia bekatua da lelopean.
Sanferminak ate joka direla, Iruñerriko feministek Alde Zaharreko kaleak zeharkatu dituzte, eraso sexisten aurkako aldarria zabalduz.
Eduardo Ibero, Lidon Soriano eta Dyna Kharrat, Yala Nafarroa Palestinarekin plataformako kideek, 2025eko sanferminei hasiera eman dion suziria piztu dute.
Erasoen aurrean jarduteko protokoloaren garrantziaz mintzatu da Equala berdintasun aholkularitza zerbitzuko Leire Martinez. Eraso baten aurrean zer egin, nora deitu eta nola babestu jakiteko balio du. Iruñeko Peñen Federazioarekin aritu dira elkarlanean aurten ere.
O plazan garatuko dute egitaraua. Bazkariak, bertso saioa, txikientzako antzerkia, pilota txapelketa, herri olinpiadak eta elektrotxarangak izango dira, besteak beste.
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.