Israeli armak ez saltzea adostu dute hamabi estatuk Kolonbiako goi bileran
Hagako taldeak deituta 30 estatu bildu dira bi egunez Kolonbian, eta horietako hamabik sei neurri sinatu dituzte "Israelen Palestinako kolonizazio ilegala" gelditzeko. Horietako bat, Tel Avivekin duten kontratu publiko oro berrikustea, okupazioan eraginik duen ala ez jakiteko. Francesca Albanese Palestinar Lurraldeentzako NBEren errelatoreak adierazi du Palestinak "iraultza" piztu duela, eta gailurrean izan diren herrialdeak horren parte direla.
aurre egingo dieten hedabide independenteak
Hagako taldeak deitutako –Boliviak, Hegoafrikak, Hondurasek, Kolonbiak, Kubak, Malaysiak, Namibiak eta Senegalek osatzen dute– gailurraren xedea Israel Gazan egiten ari den genozidioaren eta Zisjordanian aurrera eramaten ari den kolonizazioaren aurka erabakiak hartzea izan da, eta bide horretan sei neurri adostu dituzte hamabi estatuk: nagusiena, Israelera armarik ez bidaltzea. Horrez gain, Israelek urraturiko nazioarteko legeak epaitzeko, "estatuak eta nazioarteko auzitegiak babestea" ere hitzartu dute.
Hauek dira sei neurriak "berehala" ezartzea sinatu duten herrialdeak: Bolivia, Kolonbia, Kuba, Indonesia, Irak, Libia, Malasia, Namibia, Nikaragua, Saint Vincent eta Grenadinak, Oman eta Hego Afrika. Kolonbiako hiriburuan 30 herrialde bildu dira, hortaz, gehiengoak ez du sinatu goi bileraren amaieran Israelen Palestinako okupazioaren aurka iragarritako neurriak. Halere, gailurraren ondoren argitaratu duten oharrean, Hagako Taldeak adierazi du itxaropentsu dagoela oraindik sinatu ez duten estatuek hala egingo dutela: "Mundu osoko hiriburuekin hitz egiten ari gara".
Aipatutako sei neurrietara batzeko epea irailaren 20an amaituko dela jakinarazi du taldeak, hain zuzen, NBE Nazio Batuen Erakundeko Batzar Nagusia abiatuko denean. Izan ere, Nazioarteko Justizia Auzitegiak Israelen kolonizazio politikek nazioarteko legea urratzen dutela ebatzi zuen, eta NBEren erakunde horretako kide diren herrialdeei irailaren egun horretara arteko epea eman zien horren aurka neurriak har zitzaten. Kolonbia eta Hego afrikak sortu zuten Hagako Taldea urtarrilaren amaieran, eta eurek gidatu dute goi bilera. Aljeria, Txina, Espainia, Palestina, Irlanda eta Portugaleko ordezkariak ere izan dira Bogotan.
"Palestinak iraultza hasi du"
NBEko hainbat kargu ere izan dira Kolonbiako hiriburuan: esaterako, Philippe Lazzarini UNRWA Palestinar Iheslarientzako Laguntza eta Lan Bulegoko zuzendari nagusia eta Francesca Albanese Palestinar Lurraldeentzako NBEren errelatorea. Azken horrek goi bileran hitza hartu du: "Palestinak iraultza hasi du, eta zuek [Bogotan izan diren herrialdeak] horren parte zarete". Gainera, Albanesek zoriondu egin ditu gailurrean adostutako sei neurriak sinatu dituzten estatuak, egin duten "aurrerapauso garrantzitsuagatik".
Albanesek denbora darama NBEko kargu horretatik Israel Palestinan egiten ari den genozidioa salatzen, eta uztailaren 3an argitaratutako azken txostenean genozidio horren atzean dauden multinazionalen interes ekonomikoak ere jarri ditu luparen azpian. Txosten hori argitaratu eta egun gutxira, AEBetako Estatu idazkari Marco Rubiok jakinarazi zuen Albaneseren aurkako zigorrak ezarri dituztela AEBek, Donald Trump presidenteak sinaturiko dekretu baten bidez. Hala, herrialde horretan dituen ondasunak eta aktiboak blokeatu dizkiote, ezin ditu diru-eragiketak egin, eta seguruenik ezin izango du hara bidaiatu.
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Gaza Hiria osorik okupatzeko onartu berri duten planaz kezkatuta, milaka israeldarrek Benjamin Netanyahu Israelgo lehen ministroari exijitu die Hamasekin akordio batera iristeko "gerra amaitu" eta zerrendan dituzten bahituak aske uzteko. Herrialdeko lehen... [+]