'Kaia, jaia eta iraultza alaia' leloarekin emango diote ongi etorria Donostiako Piratek aurtengo Aste Nagusi Piratari, abuztuak 11tik 19ra bitartean. Hiru zutabe hauetan sustraituz, egitarau oparoarekin ospatuko ditu mugimenduak jai herrikoi, euskaldun eta askeak, txupinazotik hasita, irrikitaldiraino.

Frankismoaren ondoren, auzo elkarteen eskutik, jai herrikoiek eztanda egin zuten Euskal Herrian. Hortik garatu da txosna gunea oinarri duen eredua, herri mugimendu eta ezker abertzaleko antolakundeek sustatuta. 40 urtetan asko aldatu da egoera politiko eta soziala, baina hein berean aldatu al dira jai gune alternatiboak? Aro politiko berrian, aurreko garaietatik datozen inertziak ezbaian jartzen hasi dira eta jaiak ere ez dira salbu.

"Donostiak urteak daramatza nazioartera begira. Looking to the world. Ez al gara ba, gu ere, mundu zabal eta anitz honetako hiritarrak? Donostiar citizens? Piratok aurten brainstorm sakona egin dugu gaiaren inguruan. Urte osoan eta udaran bereziki, Donostia turistaz beterik dago. Zer izango litzateke gure Aste Nagusi Pirataz kanpotik datozkigun lagun horiengatik izango ez balitz. Horregatik, erabaki garrantzitsu bat hartu dugu. Bye bye Donostiako Piratak. Welcome San Sebastian Pirates... [+]

Donostiako Piraten mugimenduak guztira hamabost kontzertu antolatu ditu Aste Nagusirako, Flamenka gune alternatiboan.

Donostiako Bagera elkarteak informazio bilketa lana egin du. Batetik, hizkuntza ohituretan eragiteko hamar esperientzien berri jaso du, eta bestetik, halako zerbait egiteko gogoz direnentzat gida prestatu du.

Beste urte batez, Donostiako Piratek festa antolatzaileak baina zerbait gehiago direla erakutsi dute. Kritika politiko irudimentsua egin diote Irrikitaldian Udalari eta dakarren hiri ereduari.

Ez hain antzina, hiru mende atzera gehienera, kostako herri baten ur territorialak kanoi baten tiramenaren arabera zehazten ziren: jaurtigaia noraino heldu, lehorretik harainokoa izango zen ur territoriala. Lurraldearen zedarritzeko, ordea, kanoia baino hobea da festa, eta hain zuzen ere, kanoikada batek emango dio hasiera Donostiako abuztuko festari.

Ostegun arratsaldean Donostiako Piratek jakinarazi dutenez, Sara Majarenas eta Izar izango dira aurtengo Aste Nagusi Piratako txupinazoko protagonistak. Larunbatean ezingo dira Alde Zaharreko "La Flamenka" gunean egon, etxean preso baitaude Madrilen. Beren presentzia beste modu batera bermatuko dute jai herrikoien aldeko kideek.

Donostiako Piratek prentsaurrekoa egin dute, Aste Nagusia hasteko egun gutxiren faltan. Salatu dute Eusko Jaurlaritzak iaz Aste Nagusi Pirata egiteagatik 21.500 euro kobratu zizkiela eta aurten beren kalkuluen arabera beste 14.300 izango direla. "Herri mugimendu batentzat onartezinak" dira tasa hauek beren ustez.

Erraustegiaren aurkako performania deitu dute abuztuaren 16rako Donostian, asteazkena. 19:00etan abiatuako da Sarriegi plazatik, Donostiako Aste Nagusi betean. Gaixotu nahi ez dutenen martxa gisa bataiatu dute. Erraustegiaren Aurkako Mugimenduak antolatu du, Donostiako Piratetako Aingura kofradiaren laguntzarekin.