Astelehenean hasiko dira Zaharraz Harro! jaiak Gasteizko Alde Zaharrean
Astelehenetik igandera askotariko 106 jarduera antolatu dituzte auzoko bizilagun eta eragileek, parte hartzea, auzo harrotasuna eta autogestioa ardatz. Aurten poliziak bortizki hustu berri duen Korda espazioa izango dute gogoan. Hamazazpigarren edizioa da aurtengoa.
“Auzotik eta auzoarentzat” sortutako jai herrikoien egitaraua bizilagunen parte hartze handiari esker osatu da, ohi moduan. Aurten auzoko 49 kolektibok hartu dute parte, eta 160 saltoki eta tabernak.
Ekainaren 23an hasiko da ofizialki 2025eko Zaharraz Harro!, 18:00etan ”Bollerias Plazan” botako duten txupinazoarekin. Jarraian, plazatik bertatik abiatuko da kalejira bat, Hemen auzokideak bizi dira! lelopean. Hortik aurrera, ezin konta ahala jarduera, askotarikoak, adin eta interes mota guztientzako: mobilizazioak, ibilaldiak, auzolana, ginkana aldarrikatzailea, herri bazkaria, hamaika kontzertu, tailer eta hitzaldi, atzerkia, kale zinema…
Hemen programazio guztia:
Gozatu eta aldarrikatu, Korda gogoan
“Jai hauek festa eta aldarrikapena batzen dituzte eta horregatik aurtengoan auzoa bizirik dagoela aldarrikatzen duten ekimenetan jarri nahi dugu enfasia”, adierazi du Zaharraz Harro!-k ohar bidez. “Aipamen berezia” egin diote berriki Ertzaintzak hustu duen Korda espazio okupatuari, eta aipatu dituzte ere Emisio Gutxiko Eremuen ezarpenak sortzen dizkien “zalantzak”, edo Auzolana pilotaleku okupatuaren urteurrena.
“Honengatik guztiagatik, poliziaren presentziaren, pisu turistikoen igoeraren, etxebizitzaren garestitzearen edo pertsonak eta kolektiboak kaleratzearen aurrean, elkartzen jarraitzea bultzatzen dugu, kaleetan eta plazetan hitz eginez, ataritik edo kolektiboetatik antolatuz eta auzoko kaleetan eta espazioetan borrokatuz”, adierazi dute.
Aurtengo jaietako kartela, Korda espazioa gogoan:
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AnimalNaturalis eta PETAk manifestazioa egin dute Iruñeko Udaletxearen aurrean, tauromakia bekatua da lelopean.
Sanferminak ate joka direla, Iruñerriko feministek Alde Zaharreko kaleak zeharkatu dituzte, eraso sexisten aurkako aldarria zabalduz.
Eduardo Ibero, Lidon Soriano eta Dyna Kharrat, Yala Nafarroa Palestinarekin plataformako kideek, 2025eko sanferminei hasiera eman dion suziria piztu dute.
Erasoen aurrean jarduteko protokoloaren garrantziaz mintzatu da Equala berdintasun aholkularitza zerbitzuko Leire Martinez. Eraso baten aurrean zer egin, nora deitu eta nola babestu jakiteko balio du. Iruñeko Peñen Federazioarekin aritu dira elkarlanean aurten ere.
Gasteizko Txosnek gaur aurkeztu dituzte ofizialki 2025eko Andre Mari Zuriaren jaietarako kartela eta musika zein kultur programazioa. Hirugarren urtez jarraian, Entxosnatu, etorri gugana! lelopean, gune autogestionatuak abuztuaren 4tik 9ra egongo da irekita, 40 kontzertu eta... [+]
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
O plazan garatuko dute egitaraua. Bazkariak, bertso saioa, txikientzako antzerkia, pilota txapelketa, herri olinpiadak eta elektrotxarangak izango dira, besteak beste.
Azken urteetan Eusko Jaurlaritza eta Araba, Bizkaia eta Gipuzkoako foru aldundiak Ticket Bai fakturazio sistema ezartzea exijitzen ari zaie hiri ugaritako jai batzordeetako txosnei. Horren aurrean, Euskal Herriko dozenaka festetako ordezkariek “txosnak eta herri jaiak... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Euskal Herriko hainbat txosna eta jai batzordek deituta, elkarretaratzea egin dute larunbatean Bilboko Miribilla auzoan. Azpimarratu dute txosnak ez direla "edariak zerbitzatzeko barra hutsak", jai herrikoien "bihotza" baizik. Horregatik, Txosnak. Gureak, denonak... [+]
Eibarko San Juanetara begira, Eibarko jai batzordeak udal-gobernuaren eta alkatetzaren aldetik jasotzen ari duen jarrera salatu du. JHH Jaixak Herrixak Herrixandakoak batzordeak luzatu proposamenak "arrazoirik gabe" errefusatu dituztela deitoratzeaz gain, Udalak... [+]
Agerraldia egin dute Gasteizko GKS-k, Gasteizko Etxebizitza Sindikatuak eta Bilboko Luberri konpartsak. “Hainbat hilabetez” Bilboko Konpartsekin eta Gasteizko Txosna Batzordearekin “egoera bideratu” nahian aritu direla ziurtatu dute, emaitzarik gabe... [+]
Bilboko, Gasteizko eta Donostiako herri jaietako ordezkariek agerraldi bateratua egin dute maiatzaren 8 honetan, txosnei jarritako zailtasunak salatzeko eta jai eredu herrikoa "desagertzeko arriskuan" dagoela ohartarazteko.